მშობლეფ, ოგურეთ თქვან სქუალეფს

ჩქი ფცხოვრენთ ქვეყნიერებას, ნამუთ ჯგირს გლახათ მირჩქინანს დო გლახას — ჯგირო (ეს. 5:20). სანარღოთ, ნამთინე თიცალ საქმეეფს ორთჷ, მუთ იეჰოვას ჯოგჷ. მაგალთო, ნამთინეშო მისაღებ რე ართ სქესიშ ადამიანეფ შქას უზნეო საქციელ. კლასელეფქ ვარდა შხვეფქ, შილებე ეცადან, ჩქინ ძვირფას ახალგაზრდეფს ხოლო გაკეთებაფუან თინა, მუდგას მუნეფ ორთნა. მუჭო შეილებნა, მამზადათ თქვან სქუალეფ თეცალ გამოცდეფშო?

ქუდაგურეთ სქუალეფს იეჰოვაშ მაღალზნეობრივ ნორმეფ (ლევ. 18:3). ასაკიშ გათვალისწინებათ ქუდაგურეთ თინეფს, მუს იჩიებ ბიბლია სექსიშ გურშენ (კან. 6:7). ქოკითხით თქვან დუდის: ქუვოგურუანქო ჩქიმ სქუალეფს გრძნობეფიშ სწორას გიმოხანტუას ვარდა თის, მუზმათ მნიშვნელოვან რე მოკრძალებურო მიკოქუნა? ქარჩქილენანო, ნამდა შხვეფქ პატი ოკო ცან თინეფიშ პირად სივრცეს დო მითინს ოკო ვემეჩან ზედმეტ შეხებაშ ვარდა შხვა უადგილო საქციელიშ უფლება? ქოუჩქუნანო, მუჭო ოკო მიქცუან, მითინქ პორნოგრაფიაშ ჯინა ვარდა თიცალ მუდგარენიშ კეთება ქეშეთავაზ-და, მუთ იეჰოვაშ თოლს არასწორ რე? რჩქინას შეულებ, თინეფ უბედრობაშე დეცვას (იგავ. 27:12; ეკლ. 7:12). მუჟამსით ოგურუანთ თქვან სქუალეფს, ოძირანთ, ნამდა გიჸორა ძვირფას საჩუქარ, ნამუთ იეჰოვაქ გიძღვინეს (ფსალმ. 127:3).

ქუჯინ ვიდეოს „აშენით გარზე ჸუდე — დეცვით სქუალეფ უბადოშე“. უკულ ქუპასუხ თუდო მოჩამილ კითხვეფს:

• 

  მუშენ რე ძნელ ნამთინეშო სქუალეფწკუმა სექსიშ გურშენ ჩიება?

• 

  მუშენ ოკო გეთვალისწინან მშობლეფქ ეფესოელეფიშ 6:4-ის ინოჭარილ რჩევა „იეჰოვაშ მოსაწონო მორდით დო ქიგიოწურეთ“?

• 

  მუ საშვალებეფით ოხვარ იეჰოვაშ ორგანიზაცია მშობლეფს, ნამდა სქუალეფს სექსიშ გურშენ ქეჩუან? (w19.05 12, ჩარჩო).

• მუშენ ოკო ეჩუათ თქვან სქუალეფს თეიშახ, ონდო პრობლემეფ წიმიჭკირუდას?