ქუგოკონო, მიკილე სამეფოშ მახარობელეფიშ სკოლა?

ქორექო 23-შე 65 წანაშახ დო ქომსახურენქო სრულ დროთ? ქოიღუნო ჯგირ ჯამრთელობა დო ქორექო მზათ, იმსახურე თექ, სოდეთ მაუწყებელეფიშ საჭიროება რე? თე კითხვეფშე დადებითო ქუპასუხ-და, ქოიფიქრებუნო სამეფოშ მახარობელეფიშ სკოლაშ მიკულაშე? ანთასობით დაქორწინებულ წყვილქ, დაუქორწინებელ ჯიმაქ, დო დაუქორწინებელ დაქ მიკორთჷ თე სკოლა. მარა უმოსო დაუქორწინებელ ჯიმალეფიშ საჭიროება რე. ქოთხი იეჰოვას, ქიმერჩას სურვილ განადიდე თინა დო მიაჸუნე თიშ სქუაშ, იესოშ მაგალითის (ფს. 40:8; მთ. 20:28; ებ. 10:7). უკულ ქიფიქრ, თიცალ პასუხიშმგებლობეფ ხომ ვეგერჯან, მუთ გეცილებ თე სკოლაშ მიკულას, მაგალთო, ოჯახურ პასუხიშმგებლობეფ, სამუშა ვარდა ვალეფ. თაშ ქორენდა, დეფიქრ, მუ შეილებ თირუე, ნამდა აკმაყოფილენდე მოთხოვნეფს სკოლაშ მიკაულარო?

მსახურებაშ ნამ სფეროეფს ღებულენა მონაწილებას თინეფ, მით სამეფოშ მახარობელეფიშ სკოლას მიკულა? ნამთინე, მიდგაქ თე სკოლა მიკორთჷ, უცხო ნინაშა რაგადანან ფერ ტერიტორიას დანიშნეს ვარდა საზოგადოებრივ შაყარუაშ ადგილეფს ქადაგება ქუდავალეს. ნამთინექ რაიონულ ზედამხედველიშ დამხმარეთ, რაიონულ ზედამხედველო ვარდა მისიონერო დენიშნჷ. მსახურებას მეტიშ კეთებაშ სურვილ ქოიღ-და, ესაია წინასწარმეტყველცალო სიხოლო იჩიებუქ: „მა ვურქჷ! მა მიდმაშქვ!“ (ეს. 6:8).

ქუჯინ ვიდეოს „მისიონერეფ მოსავალიშ ეჭოფუაშ საქმეს მონაწილენა“. უკულ ქუპასუხ თუდო მოჩამილ კითხვეფს:

• 

  მუჭო ინიშნებნა მისიონერეფ?

• 

  მუ ჯგირ საქმეს ღებულენა მონაწილებას მისიონერეფ?

• 

  მუ კურთხევეფ მოუღ მისიონერო მსახურებას?