ქიცხოვრ ქრისტიანულ პრინციპეფით
გეგმირჩქინით ჸოროფა დო მიაჸუნით იეჰოვაშ აღმზრდელობით ზომეფს
გარიცხვა იცვენს კრებას დო ომსახურ ვენანიენსინ ფერ შემცოდველიშ გიშასწორებას (1კრ. 5:6, 11). მუჟამსით ხუჯის ვუკინენთ იეჰოვაშ თე აღმზრდელობით ზომას, ჸოროფას გიმიფრჩქინანთ. მუჭო შილებე თენა ჸოროფა რდას, მუჟამსით გარიცხვას ემოციურ ჭუა მოუღ ქოთ ხოლოშიანეფშო დო ქოთ სამართლებრივ კომიტეტშო?
მუთ არძაშ უმოს მთავარ რე, ჩქი ჸოროფას გიმიფრჩქინანთ იეჰოვაშ სახელიშ მიმართ, ვუთხილანთ თიშ რეპუტაციას დო მოკონა, დეფცვათ ღორონთიშ ნორმეფ, ნამუთ სიწმინდეს ოხუ (1პტ. 1:14—16). თეს გეძინელ, თი პიროვნებაშ ჸოროფას ხოლო გიმიფრჩქინანთ, მით კრებაშე ირიცხებ. მართალ რე, აღმზრდელობით ზომეფ ვა რე სასიამოვნო, მარა თის „მშვიდობა დო სიმართლე“ მოუღ (ებ. 12:5, 6, 11). გარიცხულწკუმა ვარდა თი პიროვნებაწკუმა, მიდგაქ კრება დიტუ, ურთიერთობა ქომღუნან-და, ვოცილუთ იეჰოვაშ აღმზრდელობით ზომეფს. რშუდან, იეჰოვა მუშ ხალხის „სამართლიანო ასაჯენს“ (იერ. 30:11). მუჟამსით ხუჯის ვუკინენთ იეჰოვაშ აღმზრდელობით ზომეფს დო ვაგრძელენთ სულიერ განრიგიშ მეჸუნას, ვოხვარუთ პიროვნებას, ნამდა დართას ჩქინ მოჭყოლოფე მუმას (ეს. 1:16—18; 55:7).
ქუჯინ ვიდეოს „რდათ ართგურეფ მთელ გურით“ დო უკულ ქუპასუხ თუდო მოჩამილ კითხვეფს:
მუნერ ჭუას გინაფლენა ქრისტიან მშობლეფ, მუჟამსით სქუა მითმიოტენს იეჰოვას?
მუჭო შეულებ კრებას, მეხვარას ოჯახიშ ართგურ წევრეფს?
ნამ ბიბლიურ მაგალით ოძირანს თიშ აუცილებლობას, ნამდა იეჰოვაშ ართგურობა ოჯახიშ ართგურობაშე უმოს წოხოლე ოკო გივორინუათ?
მუჭო შემლებნა, იეჰოვაშ ართგურობა ოჯახიშ ართგურობაშე უმოს წოხოლე გივორინუათ?