ნოემბერიშ თუთას დაგეგმილ სპეციალურ კამპანია ღორონთიშ სამეფოშ გურშენ გაცხადენს

იესოქ გაცხად „სახიოლო ამბე ღორონთიშ სამეფოშ გურშენ“ (ლკ. 4:43). თეს გეძინელ, თინა ხალხის ოგურუანდჷ, ილოცესკო ღორონთიშ სამეფოშენ (მთ. 6:9, 10). ნოემბერიშ თუთას განსაკუთრებულო ვეცადებუთ, გუვაცხადათ ღორონთიშ სამეფოშ გურშენ (მთ. 24:14). სქან გეგმეფ თეშ ქუდანწყი, ნამდა სრულას მიღე მონაწილება თე კამპანიას. დამხმარე პიონერეფს შეულებნა, თე თუთას 30 ვარდა 50 საათ იქადაგან.

მუთ შილებენ მეტ ადამიანს ქაძირე თიცალ ბიბლიურ მუხლ, ნამუთ ღორონთიშ სამეფოშე ამახვილენს ყურადღებას. ბიბლიურ მუხლიშ გიშაგორუაშ დროს გეთვალისწინ სქან მარჩქილეეფიშ რელიგიურ შეხედულებეფ. მითინ პირველ ჩიებაშ დროს ინტერესის გეგმირჩქინანს-და, ქიმიარზი „გინაჯინალ კოშკიშ“ 2020 წანაშ №2 ოვრცელებერ გიშაშქუმალა. უკულ, მუთ შილებენ მალას ქიმიაკითხე დაინტერესებულს დო ქეცად, ბიბლიაშ გურაფა ქიდიჭყე ართ-ართ ოგურაფალ საშვალებათ. მონჭაფილ რე დრო, მუჟამსით ღორონთიშ სამეფო განადგურენს არძა ადამიანურ მართველობას, ნამუთ ოწინააღმდეგ თის (დნ. 2:44; 1კრ. 15:24, 25). თაშ ნამდა, მორთ სრულას გეგმიბრინუათ თე განსაკუთრებულ საშვალება დო დუვამტკიცათ, ნამდა იეჰოვაშ დო თიშ სამეფოშ ართგურეფ ვორეთ!