ქიცხოვრ ქრისტიანულ პრინციპეფით
ხე ვეშუნწყუა ტყურეფიშ გავრცელებას
ამდღა ადვილ რე, მილიონობით კოჩის ხეთეშე ქუგაგებაფუე ინფორმაცია ბეჭდურო, რადიოთ, ტელევიზიათ ვარდა ინტერნეტით. ჭეშმარიტ ღორონთიშ მსახურეფს ვაკონა, შემთხვევით რდასინ ხოლო, ხე შეუნწყუან ტყურა ინფორმაციაშ გავრცელებას (ფს. 31:5; გმ. 23:1). ტყურა ინფორმაციაშ გავრცელებაქ შილებე შხვეფს სერიოზულ პრობლემეფ გურჩქინას. მუჟამსით ფიქრენქ, ქორე დო ვარ ინფორმაცია სწორ, ქოკითხ სქან დუც:
ქუმურსო სანდო წყაროშე? პიროვნებას, მით მუდგარენს მეჩიებნა, შილებე თე საკითხიშ გურშენ არძა დეტალ ვა უჩქუდას. მუჟამსით ინფორმაცია ართშე მაჟიას გინაჩამუ, თიქ შილებე დითირას. თაშ ნამდა, ფრთხილას ოკო ვორდათ, მუჟამსით ვა მიჩქნა, სოვრეშე მოურს ინფორმაცია. პასუხიშმგებელ ჯიმალეფიშ სიტყვეფ შხვეფშო ავტორიტეტულ რე, ათეშენ თინეფქ განსაკუთრებულ ყურადღება ოკო მიაქცუან, ნამდა თიცალ ინფორმაცია ვეგემეორან, ნამუთ ვა რე გინომოწმებულ.
სახელს ხომ ვა უტახუნს მითინს? თენა თაშ ქორენ-და, ჯგირ იჸუაფ ვეგემეობრათ (იგ. 18:8; ფლ. 4:8).
ქიდიჯერებენო თენა? ფრთხილას ოკო ვორდათ, მუჟამსით სენსაციურ ინფორმაციას ბგებულენთ.
ქუჯინ ვიდეოს „მუჭო ევუჩილითუა დუდ ჭორაობას?“ უკულ ქუპასუხ თუდო მოჩამილ კითხვეფს:
მუჭოთ იგავეფიშ 12:18-შე იძირე, მუ გლახა შედეგიქ შილებე მაჸუნას ჩქინ ჩიებას?
მუჭო მოხვარნა ფილიპელეფიშ 2:4, გაწონასწორებულ თვალსაზრის მიღდან შხვეფიშ გურშენ ჩიებაშე?
მუ ოკო ვაკეთათ, მუჟამსით შხვეფიშ გურშენ ჩიება გინურს დუმამცირებელ ციგანობაშა ვარდა უარყოფით ჩიებაშა?
მუ ოკო ბკითხათ ჩქინ დუც, სოიშახ შხვეფიშ გურშენ ჩიებას დიბჭყანდათ?