ქიცხოვრ ქრისტიანულ პრინციპეფით
პიონერულ მსახურებათ განადიდით იეჰოვა
ისრაელეფს იეჰოვაშ განდიდებაშ სერიოზულ მიზეზ უღდეს, მუშენდა თიქ ეგვიპტეშ მონობაშე გათავისფალ თინეფ დო ფარაონიშ ჯარშე დერსხჷ (გმ. 15:1, 2). იეჰოვა ამდღა ხოლო ოხვარ მუშ ხალხის. მუჭო შეილებ სიმარდულიშ გიმოხანტუა? (ფს. 116:12).
თეშ ართ-ართ საშვალება რე, იმსახურე დამხმარე ვარდა სრულ დროთ პიონერო. ქილოც, ნამდა იეჰოვაქ ქიმერჩას სურვილ დო ძალა თეშ ოკეთებელო (ფლ. 2:13). ბრელს უსხუნ დიო დამხმარე პიონერო იმსახურას. მარტის, აპრილს დო თეწკუმა ართო, რაიონულ ზედამხედველიშ მონახულებაშ თუთას, შეილებ გიშეგორე, 30 საათიან გეგმათ იმსახურენქ დამხმარე პიონერო დოვარ — 50 საათიან გეგმათ. მუჟამსით გამორსენქ, მუ ხიოლ მოუღ დამხმარე პიონერო მსახურებას, შილებე სურვილქ გოირჩქინდას, უმოს გაკეთე დო სრულ დროთ პიონერო ქიდიჭყე მსახურება. ნამთინეს, მით სრულ განაკვეთით მუშენს ვარდა ჯამრთელობაშ პრობლემეფ უღჷ, შეიალებუ სრულ დროთ პიონერო მსახურებაქ (mwb16.07 8). ნამდვილო, იეჰოვა იმსახურენს, ნამდა მონდომა ვადვარკათ თიშ განდიდებას (1მტ. 16:25).
ქუჯინ ვიდეოს „სუმ მონღოლ და“. უკულ ქუპასუხ თუდო მოჩამილ კითხვეფს:
მუ სირთულეეფს გიორჯგინეს თე დალეფქ, ნამდა ქიდიჭყესკო პიონერულ მსახურება?
მუ კურთხევეფ მოუღ თინეფს პიონერო მსახურებაქ?
მუჭო გოუნჯჷ თინეფს სრულ დროთ პიონერობაქ მსახურებაშ ფართე კარ?
მუჭო იმოქმედ შხვეფშა თინეფიშ ჯგირ მაგალითიქ?