მანგარო ქიგედირთით, მუშენდა აღსასრულ მონჭაფილ რე

მუშენ რე მნიშვნელოვან: მალას თიცალ მოვლენეფ მოხვადუ, ნამუთ თეშ გეგმოცადუნს ჩქინ გაბედულებას დო იეჰოვაშა მენდებას, მუჭოთ დღას ვაგმოცადებე. ტყურა რელიგიაშ განადგურებათ ქიდიჭყაფუ დიდ გასაჭირ (მთ. 24:21; გმც. 17:16, 17). თე რთულ დროს შილებე ხალხშა განაჩენიშ გურშენ მაჸუან გაცხადებელქ (გმც. 16:21). თეშ უკულ გოგ მაგოგელ ჩქინ წინააღმდეგ მოლურს (ეზკ. 38:10—12, 14—16). თე დროს მუშ ხალხიშ ორსხებელო, იეჰოვა ქიმწიჭყანს ბრძოლას, ნამუთ ბიბლიას მოშინაფილ რე, მუჭოთ „ირფელიშ შემალებე ღორონთიშ დიდ დღა“ (გმც. 16:14, 16). თე მოვლენეფს გაბედულო ქეშეფხვადათინ, საჭირო რე, ამდღარ რწმენაშ გამოცდეფიშ დროს ართგურეფქ ქუდოფსქიდათ.

მუჭო შეილებნა თეშ კეთება:

• გაბედულო მიაჸუნით იეჰოვაშ მაღალზნეობრივ ნორმეფს (ეს. 5:20).

• ვემიოტუათ თანაქრისტიანეფწკუმა ართო იეჰოვაშ თაყვანიშცემა (ებ. 10:24, 25).

• ხეთეშე ქიმიაჸუნით თი მითითებეფს, ნამდგას იეჰოვაშ ორგანიზაცია მარზენა (ებ. 13:17).

• ქიფიქრით, მუჭო ირსხჷ იეჰოვაქ მუშ ხალხ შხვადოშხვა დროს (2პტ. 2:9).

• ქილოცით დო ქიმიენდით იეჰოვას (ფს. 112:7, 8).

ქუჯინ ვიდეოს „მოვლენეფ, ნამდგაშ დროს გაბედულება დემესაჭირებნა (ნაწყვეტი)“. უკულ ქუპასუხ თუდო მოჩამილ კითხვეფს:

• 

  მუჭო გიმიცად მაუწყებელეფიშ მორჩილებაქ, მუჟამსით მუნეფიშ კრებაქ შხვა კრებეფწკუმა გეერთიან?

• 

  მუ კავშირ რე გაბედულება დო მორჩილებაშ შქას?

• 

  მუშენ დემესაჭირებნა გაბედულება არმაგედონიშ დროს?

• 

  ნამ ბიბლიურ მაგალით მიმანგარენა თიშ რწმენას, ნამდა იეჰოვას შეულებ მირსხან? (2მტ. 20:1—24).