მუშ გურაფა შემლებნა გამოცდილ ქრისტიანეფშე?

კრებეფს პჸუნა და დო ჯიმალეფ, მით ვითობით წანა რე, იეჰოვას ომსახურნა. ჩქი ბრელ მუდგარენს ბგურაფლენთ თინეფიშ ღორონთშა მენდებაშ მაგალითეფშე. შემლებნა ქოფთხუათ, იეჰოვაშ ორგანიზაციაშ ისტორია ქიმეჩუან; თეწკუმა ართო, მუ სირთულეეფს შეხვადეს დო მუჭო მეხვარ იეჰოვაქ, გიორჯგინესკო თინეფს. ჯგირ იჸუაფ, ოჯახურ თაყვანიშცემაშა ხოლო ქუდვაპატიჟათ, ნამდა ქიმეჩუან მუშეფიშ გურიშ ემაკინალ შემთხვევეფ.

გამოცდილ ქრისტიან ქორექ-და, მთელ გურით გეგმოხანტ სქან რწმენა ახალგაზრდა ქრისტიანეფწკუმა. იაკობ დო იოსებ ხოლო მუნეფიშ გამოცდილებას შთამომავლეფს გინოჩანდეს (დბ. 48:21, 22; 50:24, 25). უმოს გვიანო, იეჰოვაქ მითითება მეჩჷ ოჯახიშ დუდეფს, ნამდა თიშ დიდებულ საქმეეფიშ გურშენ სქუალეფს ქეჩუესკო (კნ. 4:9, 10; ფს. 78:4—7). ამდღარ დროს მშობლეფს დო შხვა გამოცდილ ქრისტიანეფს შეულებნა ბრელ მუდგარენ ქეჩუან ახალ თაობას თი სარკო საქმეეფიშ გურშენ, ნამუთ იეჰოვაქ აკეთ მუშ ორგანიზაციას.

ქუჯინ ვიდეოს „ვადინუათ ართობა აკრძალვეფიშ დროს“. უკულ ქუპასუხ თუდო მოჩამილ კითხვეფს:

• მუჭო მეხვარ ავსტრიაშ ფილიალქ თი და დო ჯიმალეფს, ნამუთ თიცალ ქიანეფს ცხოვრენა, სოდეთ ჩქინ საქმიანობა აკრძალურ რე?

• მუ აკეთეს თი ქიანეფს მახორუ ჯიმალეფქ, ნამდა ვადინუესკო ძალიერ რწმენა?

• მუშენ დიტუ იეჰოვაშ ორგანიზაცია რუმინელ და დო ჯიმალეფიშ უმენტაშიქ დო მუჭო დირთეს თინეფქ?

• მუჭო მიმანგარენა რწმენას თინეფიშ შემთხვევეფ?