ქიცხოვრ ქრისტიანულ პრინციპეფით
ქეშმაიღუნანო სარგებელ „წმინდა წერილეფიშ ირდღაშიან გარჩიებაშე“?
ქორენო თქვან სულიერ განრიგიშ ნაწილ ბიბლიურ მუხლიშ დო თიშ კომენტარიშ კითხირ ბროშურაშე „წმინდა წერილეფიშ ირდღაშიან გარჩიება“? თეს ვართუთ-და, ქეშეილებნანო თენა თქვან განრიგის ქინახუნუათ? ბრელს უსხუნ ირდღაშიან მუხლ ოჭმარეს გარჩუას, მუშენდა თექ მოჩამილ აზრეფ შეიალებე მთელ დღაშ განმავლობას გეგმირინუას (იეს. 1:8; ფს. 119:97). მუჭო შეილებნა უმოს სარგებელ მიღათ ირდღაშიან მუხლშე? წეკითხით ბიბლიურ მუხლიშ კონტექსტ, ნამდა უმოს ქიგეგათ თე მუხლიშ გურშენ. ქიგიშინით ბიბლიურ მაგალით, ნამუთ ყურადღებას ამახვილენს თე მუხლის მოჩამილ პრინციპშე. თეშ უკულ გეგმირინეთ თინა ცხოვრებას. მუჟამსით გადაწყვეტილებეფიშ მეღებაშ დროს ღორონთიშ სიტყვათ ქიხემძღვანელენთ, თენა თქვან ცხოვრებაშა დადებითო იმოქმედენს დო ნამდვილო მოიღანა ჯგირობუას (ფს. 119:105).
მთელ მსოფლიოს ბეთელიშ ოჯახეფს ოჭმარეს არჩიენა ირდღაშიან მუხლის. ბოლო წანეფს ბრელ თეცალ გარჩიებაქ იჸუ გედვალირქ JW მაუწყებლობაშა® განყოფილებას პროგრამეფ დო ღონისძიებეფი. ბოლოს მუჟამ უჯინით თეცალ ვიდეოს? შილებე ნამთინეს ზუსტას თი საკითხ რდას გარჩიებულ, ნამუთ თქვა გოსაჭირნა. მაგალთო, მუჭო შილებე ლოტიშ მაგალითიქ იმოქმედას თქვან გადაწყვეტილებეფშა?
ქუჯინ ვიდეოს „ვეჸოროფუათ ქვეყნიერება (1ინ. 2:15)“. უკულ ქუპასუხ თუდო მოჩამილ კითხვეფს:
ნამ ბიბლიურ პრინციპშა რდუ გერსხილ თე ოჭმარეშ თაყვანიშცემაშ პროგრამა?
მუჭოთ ლოტიშ მაგალითშე ბძირით, მუ მაჸუნუ ქვეყნიერებაშ დო თიშ ჸოროფას, მუთ ქვეყნიერებას რე? (დბ. 13:12; 14:12; 19:3, 12, 13, 24—26).
მუჭო შემლებნა ვოძირათ, ნამდა მიჸორა იეჰოვა დო ვართ ხოლო ქვეყნიერება დო თი ირფელ, მუთ ქვეყნიერებას რე?
მუჭო შემლებ მთელ დღაშ დინახალე ვოძირუე, ნამდა ვაფასენქ იეჰოვაშ სიტყვას?