ქიცხოვრ ქრისტიანულ პრინციპეფით

მუჭო შეულებნა წყვილეფს გამანგარან მუნეფიშ ქორწინება?

აბრაამ დო სარა ართიანიშ ჸოროფას დო პატიცემას გიმირჩქინანდეს, მუდგათ ჯგირ მაგალით დუტეს დაქორწინებულ წყვილეფს (დბ. 12:11—13; 1პტ. 3:6). მარა თინეფიშ ქორწინება ხოლო ვარდჷ სრულყოფილ, მუშენდა თინეფს ხოლო უღდეს სიძნელეეფ ცხოვრებას. მუშ გურაფა შეულებნა დაქორწინებულ წყვილეფს აბრაამ დო სარაშ მაგალითშე?

ხოლოშიან ურთიერთობა გიღდან ართიანწკუმა. ქეცადით ქუგუგათ დო გემუანო ქუდურაგადუათ მეუღლეს, მუჟამსით გაღიზიანებულ ვარდა გურგოტახილ რე (დბ. 16:5, 6). დაგეგმით დროშ ართო გატარება. სიტყვათ დო საქმეთ ირიათო დარწმუნით თქვან მეუღლე, ნამდა გიჸორა. მუთ არძაშ უმოს მთავარ რე, ქეცადით, ვადინუათ იეჰოვაწკუმა ხოლოშიან ურთიერთობა; დრო გეგმურთით ართო გურაფას, ლოცვას დო თაყვანიშცემას (ეკ. 4:12). მტკიცე ქორწინება განადიდენს იეჰოვას, თე ინსტიტუტიშ დუმარსხუაფალს.

ქუჯინ ვიდეოს „მუჭო შეილებნა თქვან ქორწინებაშ გამანგარება?“. უკულ ქუპასუხ თუდო მოჩამილ კითხვეფს:

სოვრეშე იძირედ, ნამდა შან დო კარა ჭიე-ჭიეთ ეთხიებდეს ართიანს?
მუშენ რე მნიშვნელოვან ჩილ დო ქომონჯიქ ალალას ქეჩუან ართიანს?
მუჭო მეხვარ აბრაამ დო სარაშ მაგალითიქ თე წყვილს?
მუ ნაბიჯეფ გინოდგეს თინეფქ, მუნეფიშ ქორწინებაშ გამანგარებელო?
მუშენ ოკო ველდას ჩილ დო ქომონჯ, ნამდა მუნეფიშ ქორწინება სრულყოფილ იჸი?

ნაწყვეტეფ ვიდეოშე: „მუჭო შეილებნა თქვან ქორწინებაშ გამანგარება?“. შან დო კარა ქორწინებაშ გამანგარებელო პრაქტიკულ ნაბიჯეფს გინოდგუნა. 1. თინეფ ართიანიშ ვენაჯინენა. 2. თინეფ ართიანს ხეს მეთხუნა. 3. თინეფ ხიოლით მსახურენა ართო. — თქვა შეილებნა გამანგარათ თქვან ქორწინება

უმოს ინფორმაციაშ მიოღებელო მუჭო შეილებნა გამანგარათ თქვან ქორწინება, გარჩით თუდო მოჩამილ სტატიეფ, ნამუთ მოჩამილ რე ჟურნალს „გეგშაკურცხით!“ დო ვებგვერდის jw.org^®:

„მუჟამსით სქუალეფ შხვადო გინულა ოცხოვრეფშა“ (g17.4 10, 11).
„მუჭო ბგორათ საერთო ნინა“ (g16.3 10, 11).
„მუჟამსით ქორწინებაქ თქვან იმენდ ვა გამართლ“(g 3/14 14, 15).
„მუჭო გინიფრთათ ყურადღებიან მარჩქილეთ?“(g 12/13 12, 13).
„მუჭო ევუჩილითუა დუდ ნირზის?“(g 2/13 4, 5).