გაუჯგუშით მსახურებაშ უნარეფი​—ქუმუხუჯე შხვადოშხვა სიტუაციას

მუშენ რე მნიშვნელოვან: ცხებულ ქრისტიანეფ დო „შხვა შხურეფ“ აპეჯენა ხალხის, „უფასოთ მიღან სიცოცხლეშ წყარ“ (გმც. 22:17). თე სიმბოლურ წყარ განასახიერენს თი ირფელს, მუდგას იეჰოვა გაკეთენს მუშ მორჩილ ხალხიშ ცოდვა დო ღურაშე დარსხებელო. შხვადოშხვა კულტურაშ დო მრწამსიშ ხალხის ქიმვეხვარათინ, საჭირო რე, „მარადიულ სახიოლო ამბე“ თეშ გეგნოფჩათ, ნამდა გეფთვალისწინათ თითოულიშ მდგომარეობა (გმც. 14:6).

მუჭო შეილებნა თეშ კეთება:

• გეგშაგორ თიცალ საკითხ დო ბიბლიურ მუხლ, ნამუთ ქენანჭუ სქან ტერიტორიას მახორუ ხალხიშ გურს. შეილებ გეგმირინუე „მუჭო შეილებნა რაგად“ ვარდა თი ნიმუშ, ნამუთ თეიშახ გიმირინე დო ჯგირ შედეგიქ მაჸუნ. ნამ თემეფ ოინტერეს ხალხის უმოსო დო ნამ ბიბლიურ მუხლეფს გიმირნუანქ? ნამ ახალ ამბე რე გავრცელებურ, ნამდგაშე ხალხიშ უმენტაშის ოინტერეს ჩიება? ნამ საკითხით შილებე დეინტერესას ქომოლკოჩიქ ვარდა ოსურკოჩიქ?

• ჩიებაშ დოჭყაფაშახ ქიმიესალმ დო გეთვალისწინ ადგილობრივ კულტურა (2კრ. 6:3, 4).

• ჯგირო გეჩინებაფე თი პუბლიკაციეფ დო ვიდეოეფ, ნამუთ მიშურს გურაფას მოხვარნან ფერ საშვალებეფშა, ნამდა ეფექტურო გეგმირინუე თინეფწკუმა, მით ინტერესის გიმირჩქინანს

• გეგნიჭარ ინფორმაცია თი ნინეფშა, ნამდგაშა მორაგადე ხალხის შილებე ქეშეხვადე სქან ტერიტორიას

• ქუმუხუჯე ორაგადე მენძელიშ სიტუაციას (1კრ. 9:19—23). მაგალთო, მუჭო გაგრძელენდ ჩიებას, მუჟამსით ქიგეგენდ, ნამდა მუსხირენ ხანიშ წოხოლე საჸოროფო პიროვნებაქ უღურ?

ქუჯინ ვიდეოს დო უკულ ქუპასუხ თუდო მოჩამილ კითხვეფს:

• ნამ საკითხით დიჭყჷ რაგად მაქადაგებელქ?

• მუ მდგომარეობას რდუ მენძელ?

• ნამ ბიბლიურ მუხლიქ იჸუ არძაშ უჯგუშიქ თე სიტუაციას დო მუშენ?

• მუჭო შეილებ ჩიებაშ ნიმუშ ქუმუხუჯუე სქან ტერიტორიას მახორუ ხალხის?