იეჰოვას უჸორს სუფთა ხალხი

ბრელ მშობელ მუნეფიშ სქუალეფს ოგურუანს, მუჭო დეცვან ფიზიკურ სისუფთავე. მაგალთო, თინეფ ურაგადნა: „ხელეფ გიბონი!“ „სქან ოთახ ქუდანწყი!“ „პროლ გეგმოხუში!“ „გვამ გეგნარღვი!“. სინამდვილეს, სისუფთავეწკუმა დაკავშირებულ პრინციპეფ წმინდა ღორონთშე მოურს (გამ. 30:18—20; კან. 23:14; 2 კორ. 7:1). მუჟამსით ჩქინ სხეულს დო პირად ნივთეფს სუფთათ იფცვენთ, თეთ იეჰოვას განვადიდენთ (1 პეტ. 1:14—16). მარა მუშ რაგად შილებე ჩქინ ჸუდეშე დო თი ადგილეფშე, სოდეთ მიხვადნა მუშება დო ცხოვრება? თი ხალხიშ გინაწონს, მით აბინძურენს გარემოს, ჭეშმარიტ ქრისტიანეფ ირფელს ორთნა, ნამდა დედამიწაქ, მუნეფიშ ოცხოვრებელქ, სუფთაქ იჸუას (ფსალმ. 115:16; გამოცხ. 11:18). თინეფ თიცალ ჭიჭე საკითხეფს ხოლო, მუნერით რე კამფეტიშ ფურჩაშ, კევაშ დო ჟეშტიშ დო პლასმასიშ ბოთილეფიშ გვამიშ ყუთის ინოჸოთამათ ოძირანა, მუნერ დამოკიდებულება უღნა სისუფთავეშე. ჩქი მოკონა ცხოვრებაშ ირნერ მხარეს ღირსუანო მიფქცუათ, „მუჭოთ ღორონთიშ მსახურეფს ოსქვანა“ (2 კორ. 6:3, 4).

ქუჯინით ვიდეოს „ღორონთის უჸორს სუფთა ხალხი“. უკულ ქუპასუხით თუდო მოჩამილ კითხვეფს:

• მუქ შილებე ეცილას ნამთინეს, პირად ნივთეფიშ დო ოცხოვრებელ ადგილიშ სუფთათ დაცვებას?

• მუჭო იძირე მოსეშ კანონშე იეჰოვაშ დამოკიდებულება სისუფთავეშე?

• მუჭო შემლებნა უსიტყვოთ დუვამოწმათ?