„თიშე იფიქრით“

ნამ საკითხეფშე შემლებნა იფიფქრათ? ფილიპელეფიშ 4:8-ს ჭარჷ, ნამდა იფიფქრათ თიცალ საკითხეფშე, მუთ ჭეშმარიტ რე, სერიოზულ ყურადღებას იმსახურენს, მართალ, წმინდა, ჸოროფაშ ღირს, მოსაწონ, ზნეობრივ დო ცქვაფაშ ღირს რე. მუშო ოკო რაგად, ქრისტიანეფს აკრძალურ ვაფნა ბიბლიურ საკითხეფიშ გარდა შხვა საკითხეფშე ფიქრ, მარა ჩქინ ფიქრეფ ოკო განადიდენდას იეჰოვას. თიცალ მუდგარენეფშე ოკო ვეფიფქრათ, ნამუთ ართგურო დოსკილადას მეცილებნა (ფსალმ. 19:14).

შილებე რთულქ მაჸუან, დუდ ევუჩილითუათ არასწორ ფიქრეფს. ჩქი ხვალე ჩქინ არასრულყოფილ სხეულს ვარინ სატანას ხოლო ოკო ვებრძოლათ, ნამუთ „თე ქვეყნიერებაშ ღორონთ“ რე (2 კორ. 4:4). თინა აკონტროლენს მსოფლიო მედია საშვალებეფს, მუნერით რე ტელევიზია, რადიო, ინტერნეტ, ჟურნალ-გაზეთეფ დო წიგნეფ. ათეშენ თე მედია საშვალებეფ, უმენტაშო უზნეობათ რე ეფშა. ჩქინ გონებას მუთ ევოფშანთინ თეს ყურადღებიანო ვედვეკვირებუთ-და, აზროვნება გილმელებნა დო საბოლათ, თენა ჩქინ საქციელწკუმა ხოლო ქიმოქმედენს (იაკ. 1:14, 15).

ქუჯინით ვიდეოს „დუდ ეუჩილითე თის, მუთ ოცილ ართგურობას — გლახა გართობა“ დო უკულ ქუპასუხით თუდო მოჩამილ კითხვეფს:

• 

  მუს უჯინედ ჯიმა მუშ ტელეფონს დო მუჭო იმოქმედ ნაძირებუქ თე ჯიმაწკუმა?

• 

  მუჭო მეხვარ თის გალატელეფიშ 6:7, 8 დო ფსალმუნეფიშ 119:37-ქ?