ქიცხოვრ ქრისტიანულ პრინციპეფით

გონივრულო გეგშაგორ გართობა

მუშენ ოკო გიშებგორათ გართობა გონივრულო? მუჟამსით კინოს ვუჯინეთ, მუსიკას ვურჩქილეთ, ვებგვერდშა მიშურთ, წიგნის პკითხულენთ ვარდა ვიდეოლაჸაფეფს ბლაჸაფენთ, ჩქინ გონებას შხვეფიშ აზრეფით ევოფშანთ. ჩქინ არჩევან ჩქინ საქციელშე ხოლო მოქმედენს. სანარღოთ, ამდღა გართობაშ ბრელ სახეობას მოჩამილ რე თიცალ მუდგარენეფ, მუთ იეჰოვას ჯოგჷ (ფსალმ. 11:5; გალ. 5:19—21). ათეშენ, ბიბლია მირაგადნა გუვაგრძელათ თიშ კეთება, მუთ იეჰოვას განადიდენს (ფილ. 4:8).

ქუჯინით ვიდეოს „მუნერ გართობაშ სახეობა გიშებგორა?“ დო უკულ ქუპასუხით თუდო მოჩამილ კითხვეფს:

მუ მსგავსება რე გლადიატორეფიშ ჩხუპიშ დო ამდღარ გართობაშ შქას?
მუჭო შეულებნა კრებაშ წევრეფს მეხვარან ახალგაზრდეფს გონივრულო გიშაგორან გართობა?
მუჭო ოკო გიმიბრინუათ რომაელეფიშ 12:9-ს მოჩამილ პრინციპ გართობაშ გიშაგორუაშ დროს?
გართობაშ მუნერ სახეობეფ რე გავრცელებურ თქვან მხარეს?

მუნერ გართობას გიშაგორუნქ?

ამდღა პოპულარულ გართობაშ სახეობეფიშ უმენტაშ პიროვნებას უმოსო პასიურ ცხოვრებას მიორჩქვანუანს. კინოეფს, წიგნეფს დო სატელევიზიო პროგრამეფს შხვეფიშ აზრეფ რე მოჩამილ დო თინა ნაკლებო ავარჯიშენს გონებას. მართალ რე, პასიურ გართობას მუშ ადგილ უღჷ, მარა ბრელშო უმოს სასარგებლოქ იჸუ აქტიურ გართობაქ. მაგალთო, ნამთინეს ოსიამოვნჷ მუსიკალურ ინსტრუმენტშა მეგამა ვარდა ხანტუა. შხვეფს სპორტულ ლაჸაფეფ, ლაშქრობაშა ულა ვარდა ბუნებას კარვეფს სერიშ გოთანაფა მოწონა. გართობაშ ნამდგა სახეობა ვეგშებგორათინ, მთავარ რე „ირფელ ღორონთიშ ოდიდებელო“ ვაკეთათ (1 კორ. 10:31).