ქეცადით უმოს ნაყოფიერ პირად გურაფა გიღდან

მუშენ რე მნიშვნელოვან: ბიბლიაშ პირად გურაფა მიგეხვარებნა „ბოლოშა ქინანჭათ, მუ რე [ჭეშმარიტებაშ] სიგანე, სიგინძა, სიმაღლე დო სიტომბე“ (ეფეს. 3:18). თეს გეძინელ, თენა მიგეხვარებნა თე უბადო ქიანას სუფთეფ რდათ დო „მანგარო მეითხუდან ხე ღორონთიშ სიტყვაშა“ (ფილ. 2:15, 16). პირად გურაფაშ დროს გიშაბგორუნთ თიცალ საკითხის, ნამუთ ჩქი პირადო მოხუნა. მუ ოკო ვაკეთათ, ნამდა ბიბლიაშ კითხირშე დო გურაფაშე მუთ შილებენ მეტ სარგებელ მიბღათ?

მუჭო შეილებ თეშ კეთება:

• გოხაზ ბიბლიურ მუხლეფ დო გაკეთ ჩანაწერეფ სქან პირად ბიბლიას. თეშ კეთება ელექტრონულ ვარიანტის ხოლო შეილებ

• ბიბლიაშ კითხირიშ დროს ქუდასვ კითხვეფ: „მი? მუ? მუჟამ? სო? მუშენ? მუჭო?“

• ქიგეგ ფაქტეფ. გეგმირინე გიმარკვიებელ საშვალებეფ, დოგორ ინფორმაცია თემაშ ვარდა ბიბლიურ მუხლიშ მიხედვით

• დეფიქრ ნაკითხირშე დო ქიგეგ, მუჭო გოხუ მეღებულ ინფორმაცია

• ირდღაშიან ცხოვრებას გეგმირინე ნაკითხირ (ლუკ. 6:47, 48)

ქუჯინით ვიდეოს „მანგარო მეითხუდან ხე ღორონთიშ სიტყვაშა“ პირად გურაფაშ საშვალებათ დო უკულ ქუპასუხით თუდო მოჩამილ კითხვეფს:

• მუს ადარენს ნამთინე ბიბლიაშ გურაფას?

• მუშენ რე ჯგირ ბიბლიაშ გურაფაშ ლოცვათ დოჭყაფა?

• მუ მიმეხვარებნა ნაკითხირიშ უჯგუშო გაგებას?

• მუნერ ჩანაწერეფ შემლებნა ვაკეთათ ჩქინ პირად ბიბლიას?

• მუშენ რე ფიქრი მნიშვნელოვან ბიბლიაშ კითხირიშ დროს?

• სო შემლებნა გიმიბრინუათ ნაგურეფ?