გეგმირინეთ ვიდეოეფ, მუჟამსით ბიბლიაშ გურაფას ატარენთ

გურაფაშ დროს პიროვნება ინფორმაციას უმოსო გეგენს დო დემახსოვრენს, მუჟამსით თოლით ხოლო ორწყე თის, მუდგას გურაფლენს. თე მეთოდის ჩქინ დიდებულ მოძღვარ, იეჰოვა ხოლო გიმირინუანდჷ (დაბ. 15:5; იერ. 18:1—6). იგივეს ორთუდ დიდებულ მასწავლებელ, იესო ქრისტე (მათ. 18:2—6; 22:19—21). ართ-ართ საშვალება, ნამდგას ბოლო წანეფს ჯგირ შედეგეფქ მაჸუნ, ვიდეოეფ რე. ჯგირო გიმირინუანქო ვიდეოეფს, მუჟამსით ბიბლიაშ გურაფას ატარენქ?

ჩქინ ორგანიზაციაქ მამზად ვით ვიდეო, ნამუთ მიმეხვარებნა ბროშურაშ „სახიოლო ამბე ღორონთიშე“ შხვეფშა გურაფას. თითქმის არძა ვიდეოშ სათაურ მოგენს ბროშურას მოჩამილ ნამდგაინ კითხვას, ნამუთ უჩა შრიფტით რე ჭარილ. თე ბროშურაშ ციფრულ ვერსიას მოჩამილ რე ლინკეფ, ნამუთ გუმოშინანა ნამ ვიდეო მუჟამ ვოძირათ. თეს გეძინელ, რე შხვა ვიდეოფ ხოლო, ნამდგას თიმწკუმა გიმიბრინუანთ, მუჟამსით პიროვნებას შხვა პუბლიკაციათ ვოგურუანთ.

თიცალ ბიბლიურ საკითხის ხომ ვარჩიენქ, ნამუთ შილებე ბიბლიაშ მაგურაფალშო ძნელ გაგებელ რდას? ვარდა თის მუდგარენ კონკრეტულ პრობლემა ხომ ვა უღჷ? გემშართ ვებ-გვერდშა jw.org® ვარდა JW მაუწყებლობაშა® დო დოგორ თის გიმადირთუნ ფერ ვიდეო. შეილებ დაინტერესებულწკუმა ართო ქუჯინე ნამდგაინ ვიდეოს დო უკულ გარჩუე თინა.

ირ თუთას ახალ ვიდეოეფ გიშმურს. თე ვიდეოეფიშ ჯინაშ დროს დეფიქრ, მუჭო შეილებ თინეფიშ გიმორნაფა, მუჟამსით შხვეფს ოგურუანქ.