„იეჰოვაქ დუმოგურეს სქუალეფიშ სწორაშო რდუალა“

მუშ გურაფა შეულებნა მშობლეფს მუნეფიშ ზეციერ მუმა, იეჰოვაშე, სქუალეფიშ ჯგირო რდუალაშ გურშენ? ქუჯინით ვიდეოს „იეჰოვაქ დუმოგურეს სქუალეფიშ სწორაშო რდუალა“ დო უკულ ქუპასუხით თუდო მოჩამილ კითხვეფს, ნამუთ აბილიო დო ულა ამორინეფიშ ოჯახის ოხუ:

• მუჭო მეხვარ თინეფს მუნეფიშ ბაღანობაქ სქუალეფიშ რდუალას?

• მუ სასიამოვნო მოგონებეფქ დასქიდეს მუნეფიშ სქუალეფს?

• მუჭო ოცადუდეს აბილიო დო ულა გეგმირნესკო კანონიშ 6:6, 7?

• მუშენ ვა უდგინენდეს მუნეფიშ სქუალეფს კანონეფს?

• მუჭო მეხვარეს სქუალეფს ცხოვრებაშ სწორ შარაშა გერნას?

• მუ მსხვერპლიქ შილებე იჸუკო მშობლეფშო სქუალეფიშ სრულ დროთ მსახურებაქ, მარა მუშენ მოუწოდენდეს თეშა? (bt 178 ¶19)