ქიცხოვრ ქრისტიანულ პრინციპეფით
„ძღვინით გეიფშით ხე იეჰოვაშო“
მუჭო შემლებნა ჩქინ „ხეთ მევუღათ ძღვინ იეჰოვას“? (1 მატ. 29:5, 9, 14). თუდო მოჩამილ რე შხვადოშხვა საშვალება, ნამუშ მოხვარათ შემლებნა სამქადაგებლო საქმიანობაშო შესაწირავეფიშ კეთება, მუჭოთ მსოფლიო თეშ ადგილობრივ საჭიროებეფშო.
შესაწირავეფ, ნამუსით ონლაინით ვოჯღონანთ ვარდა შესაწირავეფიშ ყუთის ენვოჸოთანთ, შხვადოშხვა საქმეშო გიმირინუანა:
მსოფლიო სამქადაგებლო საქმე
ფილიალიშ დო მათარგმნალეფიშ ოფისეფიშ შენობეფიშ აშენება დო მიკოლუაფა
თეოკრატიულ სკოლეფ
სპეციალურ სრულ დროთ მსახურეფ
სტიქიურ უბედრობათ დაზარალებურეფ
ლიტერატურაშ ბეშტუა, ვიდეოეფ დო ელექტრონულ პუბლიკაციეფ
კრებაშ საჭიროებეფ
კრებაშ ხარჯეფ, მაგალთო, თი მოწყობილობეფ დო ნივთეფიშ მიკოჯინა, ნამუთ დარბაზის რე
კრებას მეღებულ რეზოლუციეფ, ნამდა კრება გარკვეულ რაოდენობაშ ფარას მიდუღჯონანს ფილიალს შხვადოშხვა საქმეშო. მაგალთო:
მთელ მსოფლიოს სამეფო დო საკონგრესო დარბაზეფიშ ოშენებელო
მსოფლიო მხარდაჭერაშ პროგრამაშო
შხვა საქმიანობეფშო
კონგრესეფ
შესაწირავეფ, ნამუთ რეგიონულ კონგრესშე მიშურს, მსოფლიო საქმიანობაშო იჯღონუ. მარა რეგიონულ, სპეციალურ დო საერთაშორისო კონგრესეფწკუმა დაკავშირებულ ხარჯეფ იფორუ მსოფლიო საქმეშო კეთებულ შესაწირავეფშე.
შესაწირავეფ, ნამუთ რაიონულ კონგრესშე მიშურს, გიმირინუაფ თიშო, ნამდა დექირუან, მანწყუან დო გარემონტან თი ადგილ, სოდეთ კონგრეს იტარებ. თეს გეძინელ, თის გიმირინუანა რაიონწკუმა დაკავშირებულ შხვა ხარჯეფშო. რაიონქ შილებე გინოჭყვიდას, ნამდა დოსკილადირ ფარა იეჰოვაშ მოწმეეფიშ მსოფლიო საქმიანობაშო მიდაჯღონას.