გაუჯგუშით მსახურებაშ უნარეფი​—ქიდიჭყით რაგადი, ნამუთ ქადაგებაშ საშვალებას მერჩანა

იესოს არაფორმალურო დამოწმებაშ საშვალებაქ ქიმიაჩ, მუშენდა პირველო თიქ დიჭყჷ რაგადი. მუჭო შემლებნა გუვაუჯგუშათ უჩინებ კათაწკუმა რაგადიშ დოჭყაფაშ უნარი?

• რდა მეგობრულ დო ქუდურაგადე ხალხის. მართალ რე, იესო შულადირ რდუ, მარა რაგად თით დიჭყჷ, ნამდა უბრალოთ წყარ ითხუ ოშუმალო. თეგვარო, პიროვნებაწკუმა რაგად შეილებ გემწიჭყე გემუან მოკითხირით დო უკულ შილებე ამინდშენ ვარდა ახალ ამბეფშენ ქორაგადუე. რშუდას, მთავარ მიზან უბრალოთ რაგადიშ დოჭყაფა რე. ათეშენ, ქიჩი ნებისმიერ თემაშე, ნამუქით შილებე დაინტერესას პიროვნება. თიქ ვაიპასუხ-და, მუთუნს ვადინუანქ, შხვაწკუმა შეილებ რაგადიშ დოჭყაფა. ქოთხი იეჰოვას გაბედულება (ნეემ. 2:4; საქ. 4:29).

• ყურადღებათ რდა, ნამდა გეგმირინუე სახიოლო ამბეშ ქადაგებაშ საშვალება; მარა ვეჩქარა, ბუნებრივო გაგრძელ ჩიება. პიროვნებას ჩიებას დანძალენქ-და, შილებე შეწუხას დო მიოტუას სქანწკუმა რაგადი. ჩიებაქ თეშ გეთუ, ნამდა დამოწმებაშ საშვალებაქ ვემგაჩ-და, გურქ ვაგოიტირხას. ქადაგებაშ დოჭყაფა ქოიჭირს-და, დიო შეილებ რაგად დამოწმებაშ მიზანიშ უმშო ქიდიჭყე [ქუჯინით დო გარჩით ვიდეო 1].

• ქეცად სი თვითონ შექმნე საჭირო გარემო, ნამდა გურგინოფაჩილო დამოწმე სქან რწმენაშ გურშენ, თექ შილებე აღძრას პიროვნება ქუდაისვას კითხვეფი. იესოქ თიცალ საინტერესო აზრეფ თქუ, ნამუთიქ აღძრჷ სამარიელ ოსურ ქუდასვუკო კითხვეფი. საბოლათ, მუჟამსით იესოქ სახიოლო ამბე ქუქადაგუნ, უბრალოთ პასუხენდჷ თიშ კითხვეფს [ქუჯინით დო გარჩით ვიდეო 2, უკულ ქუჯინით დო გარჩით ვიდეო 3.]