იესოქ სქან ჯიმაშო ხოლო ღურჷ

იესოქ მუშ სიცოცხლე არასრულყოფილ კათაშო შეწირ (რომ. 5:8). მუშო ოკო რაგად, ჩქი ვაფასენთ იესოშ ჸოროფას, ნამუთ სიცოცხლეშ ჩქინო შეწირუათ გიმირჩქინ. მარა მინშა შილებე მოსაჭირნა თიშ გოშინა, ნამდა იესოქ ჩქინ ჯიმაშო ხოლო ღურჷ. მუჭო შემლებნა იესოცალ ჸოროფა გიმიფრჩქინათ და დო ჯიმალეფშა, ნამუთ ჩქინცალო არასრულყოფილეფ რენა? გუვარჩუათ სუმ მხარე. პირველი, შემლებნა გუვაფართოვათ მეგობრეფიშ წრე დო თიშა მიბღათ თინეფ ხოლო, მიდგას ჩქინდე განსხვავებულ ცხოვრება უღდეს (რომ. 15:7; 2 კორ. 6:12, 13). მაჟია, შემლებნა დუდ ეუჩილითუათ თიცალ რაგადის ვარდა მოქციებას, ნამუქით შილებე შხვეფს გურ ქელაჭუას (რომ. 14:13—15). დო მასმა, მითინ ჩქინ წინააღმდეგ ცოდენს-და, შემლებნა ხეთეშე ვაპატუათ (ლუკ. 17:3, 4; 23:34). თე სუმ მხარეს იესოშ მაგალითიშ მეჸუნას ირნერო ქუვოცადუთ-და, იეჰოვა მშვიდობათ დო ართობათ აკურთხენს კრებას.

ქუჯინით ვიდეოს „უმოს სქვამო გინირთ და დო ჯიმალეფშო!“ დო ქუპასუხით თუდო მოჩამილ კითხვეფს:

• 

  მუს ფიქრენდჷ დუდშე მიკი მუშ კრებაშენ?

• 

  მუშენ დათირ თის აზრიქ?

• 

  მუჭო მეხვარ მიკის იესოშ მაგალითიქ გეგშესწორკო აზროვნება? (მარ. 14:38)

• 

  მუჭო მიმეხვარებნა იგავებიშ 19:11 დადებითო ვუჯინათ თანაქრისტიანეფს?