„მით ღორონთიქ შეაუღლჷ . . .“

მოსეშ კანონჷ ითხინდ, ნამდა ქომოლკოჩიქ, ნამუთ ოსურიშ გოტებას ფიქრენდუნ, იურიდიულ საბუთ ოკო მამზადკო. თენა მეხვარებუდ ხალხის ნაჩქარებუო ვეკარღვესკო ოჯახჷ. მარა იესოშ დროს რელიგიურ აწმანჯღვერეფქ გაადვილეს ჩილ დო ქომონჯიშ ჩათხინა. კოჩეფს ირნერ მიზეზით შეულებდეს ჩეთხუესკო მუნეფიშ ოსურეფს (nwtsty ოგურაფალ მასალა მარ. 10:4, 11 [mwbr18.05-MGL]). იესო ხაზის უსვანს თი ფაქტის, ნამდა ოჯახჷ იეჰოვაშ გუნაჭყეფჷ რე (მარ. 10:2—12). ჩილ დო ქომონჯ „ართ ხორცო“ გინირთუნა, მუდმივ კავშირით აკოართაფილეფ. მუჭოთ მათეშ სახარებას რე მოჩამილინ, ჩათხინაშ ბიბლიურ საფუძველჷ ხვალე „სიძვა“ რე (მათ. 19:9).

ამდღა ბრელ თეშ უჯინე ქორწინებას, მუჭოთ ფარისეველეფ უჯინედეს დო ვართ ხოლო მუჭოთ იესო. მუჟამსით პრობლემა წიმიჭკირუნ, ქვეყნირებას ხეთე ჩათხინაშე ფიქრენა. მარა თეშ გინაწონს ქრისტიან წყვილეფ, სერიოზულო უჯინენა ქორწინებაშ აღთქმას დო ირნერო ოცადნა, ბიბლიურ პრინციპეფიშ გიმორნაფათ გეგნოჭკირან პრობლემეფჷ. ქუჯინით ვიდეოს „ჸოროფა დო პატიცემა აართენს ოჯახეფს“ დო უკულ ქუპასუხით თუდო მოჩამილ კითხვეფს:

• 

  მუჭო შეილებნა ჩილ დო ქომონჯის გეგმირინუათ იგავეფიშ 15:1 დო მუშენ რე თენა მნიშვნელოვანჷ?

• მუჭო შეილებნა დუდ აურიდათ პრობლემეფს იგავეფიშ 19:11 გიმორინაფათ?

• თქვან ოჯახჷ ეკოცუმაშ კარს ქიგერენ-და, ჩათხინაფაშე ფიქრიშ მანგიორო, მუ კითხვეფშე ოკო დეფიქრათ?

• მუჭო შეილებ რდე უჯგუშ ქომონჯ ვარდა ოსურჷ მათეშ 7:12 გიმორინაფათ?