მუჭო გუვავითარათ ღორონთიშ დო მოყვასიშ ჸოროფა?

მართალ რე, ქრისტიანეფს ვემეთხიებნა მოსეშ კანონიშ დაცვება, მარა თექ მოჩამილ ჟირ არძაშ უდიდაშ მცნება — მიჸორდან ღორონთ დო მიჸორდან მოყვასი — სქიდუ იეჰოვაშ მთავარ მოთხოვნათ (მათ. 22:37—39). თეცალ ჸოროფა დაბადებაშე ვეთოპჸუნა. თინა ოკო გუვავითარათ. მუჭო? ართ მნიშვნელოვან შარა რე ბიბლიაშ ირდღაშიან კითხირი. მუჟამსით ფიფქრენთ ბიბლიას მოჩამილ ღორონთიშ პიროვნებაშ შხვადოშხვა მხარეშე, ვორწყეთ „იეჰოვაშ სიჯგირას“ (ფსალმ. 27:4). შედეგო, ჩქინ ჸოროფა ღორონთშა იძინანს დო ჩქინ ფიქრეფ უმოსო აგურუ თიშ ფიქრეფს. თენა მოხვარნა შევასრულათ ღორონთიშ მითითებეფ, ნამდგაშა მიშურს შხვეფიშ დუდგინოდვალირ ჸოროფა (იოან. 13:34, 35; 1 იოან. 5:3). თუდო მოჩამილ რე სუმ რჩევა, ნამუთ მიმეხვარებნა ბიბლიაშ კითხირქ უმოს საინტერესოქ იჸუას:

• გეგმირინეთ წარმოსახვაშ უნარ დო გრძნობეფი. წერმიდგინით, ნამდა თექ რეთ. მუს ძირუნდით, მირჩქილუანდით ვარდა მუშ შურს იგინანდით? მუს იგინანდეს ღორონთიშ მსახურეფჷ?

  

• დოთირე კითხირიშ მეთოდეფჷ. მაგალთო: წეკითხით ხონარმაღალო ვარდა თოლ ქიმუჸუნეთ, მუჟამსით ურჩქილეთ აუდიო ვერსიას. ბიბლიაშ მეჸუნელო კითხირიშ მანგიორო, წეკითხით შხვადოშხვა ბიბლიურ პერსონაჟიშ ვარდა ნამდგაინ საკითხიშ გურშენ. მაგალთო, იესოშ გურშენ ქუგოკონა წეკითხათ-და, გეგმირინეთ ბროშურაშ „ბიბლიაშ ორკვიებელი“ (sgd) დანართი 4ა ვარდა 16ბ. წეკითხით ბიბლიაშ თი დუდ, ნამდგაშე ირდღაშიან მუხლ რე ეჭოფილი. წეკითხით ბიბლიაშ წიგნეფჷ თიშ მეჸუნელო, მუჭოთ თინეფქ იჭარჷ.

  

• წეკითხით, ნამდა ქიგეგათ. უჯგუშ რე ირ დღას ართ დუდ იკითხე, ნამდა ქიგეგე დო იფიქრე კითხირებულშე ვინემ უბრალოთ ბრელ დუდი იკითხე. იფიქრით კითხირებულ თემაშე. განალიზით დეტალეფჷ. გეგმირინეთ რუკეფ დო მარგინალურ მუხლეფი. გეგმირკვით ართ საკითხი იშენ, ნამუთ ვეგეგით. შეიოლებერ ქორენ-და, ფიქრის თისხე დრო გეგმურთით, მუსხით კითხირშო გოსაჭირნა.