დიო სქან ჯიმას გერიგ — მუჭო?

წერმიდგინ, ნამდა იესოშ დროს ცხოვრენქ გალილეას დო მეურქ იერუსალმშა კარვობაშ დღახუშ ოზეიმებშა. ქალაქი ხალხით რე ეფშა, თინეფ შორშე რენა მოულირ ღორონთიშ თაყვანიშ ოცემებელო. სი გოკო იეჰოვას ძღვინ მეუღე. თხა მერჸუნს დო ხალხით გინოჭკადილ ქუჩას ტაძარჸურე მეურქ. ქიმერთ ტაძარშა, მარა თექ ხალხიშ ონტირუ ვა რე, მუშენდა თინეფს ოკონა ღორონთშა ძღვინიშ შეწირუა. საბოლათ სქან დროქ ხოლო ქუმორთ, ნამდა მღვდელეფს შესაწირო თხა გეგნოჩე. თე დროს ქუგგაშინ, ნამდა სქან ჯიმას, ნამუთ შილებე თე ხალხ შქას ვარდა ქალაქის სოდგარენ რდასინ, მუდგარენ ოწყინ სქანდე. იესო იჩიებ, მუ ოკო ქიმნე (წეკითხით მათე 5:24). მუჭო შეილებნა სი დო სქან გურელაჭვილ ჯიმას კინ გიღდან მშვიდობა, მუჭოთ თეს იესო იჩიებ? თუდო გიმოჭარილ პასუხეფშე ქიმირჩქინ სწორ პასუხი.

სი ოკო: . . .

• ქუდურაგადუე სქან ჯიმას ხვალე თიმწკუმა, მუჟამსით ფიქრენქ, ნამდა ნაწყენობაშ მიზეზი უღუ.

• ქეცადე, სქან ჯიმას გეგშუსწორე აზროვნება, მუჟამსით ფიქრენქ, ნამდა თის ზედმეტო მეუღ გურშა პრობლემა ვარდა ირფელს სი გაბრალუაფ.

• ქუმურჩქილუე სქან ჯიმას მოთვინებათ, მუჟამსით მუდგა გურს უღუნ თის გირაგად დო თიმწკუმა ხოლო, მუჟამსით ბოლოშა ვეგესმებ თიშ; მთელ გურით ქუწი ბოდიში, გურ უწყუნე თიშენ ვარდა გურუგუჩამ მოქმედებაშ შედეგეფიშ გურშენ.

სქან ჯიმაქ ოკო: . . .

• უწუას კრებაშ წევრეფს, მუ გლახათ მექცი დო თეშნერო გორას ხუჯიშ ელმარინჯეფი

• გორლანძღას, ქუგოიშინას ირფელ, მუთ ოწყინებაფე დო მორთხუას, ნამდა აღიარე დუნაშებ.

• გეგმირჩქინას თანდაბლობა დო ქიმერჩას საშვალება, ქიმერთე თიშა დო ქუგაპატუას მთელ გურით.

მართალ რე, ამდღა თაყვანიშცემაშა ცხოველურ მსხვერპლიშ შეწირუა ვემშურს, მარა მუჭოთ იესო ოგურუანდუნ, მუჭო რე დაკავშირებულ ჯიმალეფწკუმა მშვიდობიან ურთიერთობა დო ღორონც მოწონსინ ფერ თაყვანიშცემა?