კითხვა დო პასუხი

მუჟამსით სატანაქ ევას უწუ, ნამდა ჯგირ დო ფურიშ ჩინებაშ ჯაშე ნაყოფიშ ჭკუმუაშ უკულ ვა ღურუდ, ხომ ვა გულისხმენდჷ ამდღა გავრცელებურ გურაფას უკვდავ შურიშ გურშენ?

ეშმაკის ვა უთქუალ ევაშა, ნამდა ღორონთშე ვარიებულ ჯაშ მიკნაღელს ოჭკუმუნდჷ-და, თიშ სხეულ დოღურუდ, მარა თიშ შურ სოდგარენ შხვადო გაგრძელენდჷ ცხოვრებას. მუჟამსით სატანაქ ევას გვერიშ საშვალებათ დურაგადუ, უწუ, ნამდა ჯაშ მიკნაღელიშ ჭკუმუაშ უკულ თინა ვა ღურუდ. თინა გულისხმენდჷ, ნამდა ევა გაგრძელენდჷ სიცოცხლეს დო ღორონთიშ უმშო უჯგუშო იცხოვრენდჷ დედამიწას (დაბ. 2:17; 3:3—5).

ტყურა გურაფა უკვდავ შურიშ გურშენ ედემიშ ბაღშე ვა გავრცელებენ-და, მუჟამ გევრცელ თიქ? თენა ზუსტას ვა მარაგადენა. მუჭოთ მიჩქნა, არძა ცრუ რელიგიაქ ნოეშ დროს მოხვალამირ წარღვნათ გენადგურ. ტყურა რელიგიურ გურაფეფს მითინ ვავრცელენდჷ, მუშენდა წარღვნას ხვალე ნოე დო მუშ ოჯახიქ გინასკიდ, ნამუთ ჭეშმარიტ რელიგიაშ მიმაუნალეფ რდეს.

თაშ ნამდა, გურაფაქ უკვდავ შურიშ გურშენ წარღვნაშ უკულ გევრცელ. მარა, მუჭო მოხვად თექ? მუჟამსით ღორონთიქ ხალხის ნინეფ აკურღვჷ, თინეფქ მთელ დედამიწას გიფაჩეს. მუშო ოკო რაგად, თე კათაქ უკვდავ შურიშ გურშენ გურაფა ირდიხას გავრცელ (დაბ. 11:8, 9). ვა უღჷ მნიშვნელობა, მუჟამ გევრცელ თე ტყურა გურაფაქ, შემლებნა დარწმუნებულ ვორდათ, ნამდა თეშ უკახალე გერე სატანა ეშმაკ, ტყურაშ მუმა, ნამუთ კმაყოფილ რდუ თიშ ძირაფათ, მუჭო გევრცელ თე გურაფაქ (იოან. 8:44).