სარჩევი

რჩქინა ვეგმიბრინეთ-და, თის ფას უდინუ. მარა ნაგურეფუშ გიმორნაფას თანდაბლობა ოსაჭირ. თე სტატია მიმეხვარებნა გუვავითარათ თანდაბლობა თით, ნამდა მივაჸუნათ ბიბლიას მოშინაფილ ართგურ კათაშ მაგალითის. თინეფ არძანერ ხალხწკუმა ქადაქენდეს, შხვეფიშ გურშენ ლოცულენდეს დო მოთვინებათ უჯინედეს იეჰოვას.

თე ძნელ დროს შილებე ვეველუთინ თეშ სირთულეეფს ქეშეფხვადათ დო გურქ გომტირხან. იეჰოვა დო იესო მოხვარნა თე ირფელიშ გარზებას. მარა ართიანიშ გურიშ ელაკინა არძაშ პასუხიშმგებლობა რე. თე სტატია მოძირანა, მუჭო შემლებნა ართიანშა გურიშ ელაკინა ჸოროფათ.

იეჰოვა ბედნერ ღორონთ რე, ნამუსით ოკო მუშ მსახურეფ ხოლო ბედნერეფ რდან. მუჭო შემლებნა ბედნერეფ ვორდათ თიშ უმკუჯინუო, ნამდა სატანაშ ქიანას ფცხოვრენთ, ნამუთ სირთულეეფით დო გაჭირებათ რე ეფშა? გვალას ქადაქებაშ დროს იესოქ პრაქტიკულ რჩევეფ მუჩეს, ნამუთ მიმეხვარებნა ვორდათ ბედნერეფ.

თე ქვეყნიერებას, სოდეთ ხალხის მუშ დუდიშ მეტ მუთუნ ვაწუხენსინ, ქრისტიანულ კრება ჸოროფათ გიშეგორუ. თეცალ ჸოროფაშ ართ-ართ მხარე რე შხვეფწკუმა ყურადღებაშ გიმორჩქინა, ნამუშ გურშენ თე სტატიეფს მეურს ჩიება. დუდშე ქობძირუნთ, მუჭო მარზენა იეჰოვა ყურადღებაშ გიმორჩქინაშ ჯგირ მაგალითის. უკულ გუვარჩიენთ მუსხირენ პრაქტიკულ მხარეს, სოდეთ შემლებნა მივაჸუნათ იეჰოვაშ მაგალითის.