წერილ ხელმძღვანელ საბჭოშე

ძვირფას და დო ჯიმალეფ,

იეჰოვაშ თაყვანიშმცემელეფს მიჸორა თიშ სიტყვა, ბიბლია. ჩქი დარწმუნებულეფ ვორეთ, ნამდა თექ ზუსტას რე ეჭარილ ულირს მოხვალამირ მოვლენეფ დო ენოჭარ სანდო რჩევეფ, ნამუთ ცხოვრებას გიმმოდირთუნა. თეწკუმა ართო, ბიბლიაშე არგამათ ვორწყეთ, მუჭო უჸორს იეჰოვას ადამიანეფ (ფსალმუნეფ 119:105; ლუკა 1:3; 1 იოანე 4:19). მთელ გურით მოკონა, შხვეფს ხოლო ქუგვოგებაფუათ თი ძვირფას ამბე, მუთ ღორონთიშ სიტყვას ენოჭარ. ათეშენ მანგარო მოხიოლუნა, ნამდა გეგშართჷ წიგნიქ „ქიდიბგურუათ ბიბლიურ ისტორიეფშე“. თე წიგნიშ თავისებურებეფშე ჭიჭეს ქიგეჩიებუთ.

თე წიგნიქ უმენტაშო ბაღანეფშო მიმზად. მარა თინა დიდეფს ხოლო მეხვარებ ბიბლიაშე უმოსიშ გაგებას. რახანს ბიბლიაქ არძაშო იჭარ, მუშო ოკო რაგად, თექ მოჩამილ ისტორიეფიშ გარჩიებათ არძას შემლებუნა მუდგარენიშ გურაფა, მუთ მიმეხვარებუნა, ვორდათ ბედნერეფ.

თე წიგნის მოჩამილ რე ბიბლიურ ისტორიეფ ადამიანიშ გოჭყაფაშე მოჸუნაფილ. დიდ ხანდა რე ენოდვალირ თის, ნამდა თე ბიბლიურ ისტორიეფქ მუთ შილებენ მარტივო, გასაგებო დო ქრონოლოგიურ თანმიმდევრობათ იჸუკო გინოჩამილქ.

თენა უბრალოთ ბიბლიურ ისტორიეფიშ წიგნ ვა რე. ქოთ ტექსტ დო ქოთ ილუსტრაციეფ თეშ რე მომზადებულ, ნამდა თოლშა ეწომრინუანა ბიბლიურ ისტორიეფს დო პერსონაჟეფიშ გრძნობეფს.

თე პუბლიკაცია მოძირანა, ნამდა ბიბლიას ჩიება მეურს ქოთ თიცალ ადამიანეფშე, მით ომორჩილუდეს იეჰოვას დო ქოთ თიცალეფშე, მით ვამორჩილუდეს. თეს გეძინელ, თე წიგნ მოხვარუნა, ქიგებგათ, მუშ გურაფა შემლებუნა თინეფიშ მაგალითეფშე (რომაელეფ 15:4; 1 კორინთელეფ 10:6). თე წიგნ 14 ნაწილო რე გორთილ. ირ ნაწილიშ დაჭყაფუს მოკლეთ რე მოშინაფილ, მუშ გურაფა შემლებუნა თექ გარჩიებულ ისტორიეფშე.

მშობლეფ, შეილებუნა, ბაღანაწკუმა ართო წეკითხათ თითოეულ გაკვეთილ დო გარჩუათ ილუსტრაციეფ. უკულ შეილებუნა, ბიბლიაშე ართო წეკითხათ თი მონაკვეთეფ, ნამდგაშათ გაკვეთილ რე გერსხილ. ქიმეხვარით ბაღანას, ბიბლიაშე კითხირებულ დუკავშირას გაკვეთილს. თეცალ მიდგომა დიდეფწკუმა ხოლო შედეგიან იჸუაფ, ნამდა წარმოდგენაქ ქაშუან ბიბლიაშე.

იმენდ მიღუნა, ნამდა თე წიგნ არძა ჯგირ გურიშ ადამიანს, ჭიჭეს დოვარ დიდის, ქიმეხვარებ, ქიდიგურუან ღორონთიშ სიტყვაშე დო ნაგურეფ ცხოვრებას გეგმირინუან. შედეგო, თინეფს ხოლო შეიალებენა, რდანჷ იეჰოვაშ ძვირფას ოჯახის დო თაყვან ცანჷ თის.