მუ რე სახიოლო ამბე?

1. მუ სახიოლო ამბეს ბგებულენთ ღორონთიშე?

ღორონთის სურვილი უღუ, ბედნიერო იფცხოვრათ დედამიწას. თიქ შექმნუ დედამიწა დო იფრელი მუთ ქოარსებენს, თიშენი ნამდა, უჸორს ადამიანეფი. მალას ღორონთი იზრუნენს, დედამიწაშ არძა კუნთხუშ მაცხოვრებელი ადამიანეფს უჯგუში ცხოვრებაქ ქიმიაჩანი. თინა ართი დო სამუდამოთ მოსპუნს ტანჯვაშ მიზეზეფს. წეკითხით იერემიაშ 29:11.

ამდღარდღაშა ნამთინ მთავრობას ვამაღებუ ბოლოქ ძალადობაშა, ლახალა დო ღურაშა. მარა არსებენს სახიოლო ამბე. მალას ღორონთი ამდღარი მთავრობეფს მუში მთავრობათ დოთირანს. ახალი მთავრობაშ მორჩილი ხალხი ჯამრთელო დო მშვიდობიანო იცხოვრენს. წეკითხით ესაიაშ 25:8; 33:24; დანიელიშ 2:44.

2. მუშენი რე სახიოლო ამბე ამდღა თეცალი მნიშვნელოვანი?

ტანჯვას თიმწკუმა მეღებუ ბოლო, მუჟამს ღორონთი გოწიმინდანს დედამიწას ბოროტი ადამიანეფშე (სოფონია 2:3). მუჟამი მოხვადუ თენა? ბიბლიას ნაწინასწარმეტყველეფი რე ამდღარი უსაშველო მდგომარეობა. მსოფლიო მოვლენეფი თიშა მიუთითენს, ნამდა მალას ღორონთი ქიდიჭყანს მუში საქმეშ კეთებას. წეკითხით 2 ტიმოთეშ 3:1—5.

3. ჩქი მუ ოკო ვაკეთათ?

ჩქი ოკო გებჩინებაფუათ ღორონთი ბიბლიაშ მეშვეობით. ბიბლია შემლებუნა შევადარათ მოჸოროფე მუმაშ წერილს. თინა მოგურუანა, მუჭო იფცხოვრათ უჯგუშო ამდღა დო მუჭო მივონჭირინუათ მომავალს მარადიული სიცოცხლეს დედამიწას. ბიბლიაშ გურაფა ქიდიჭყითდა, მართალი რე, ბრელქ შილებე ვამოიწონუან თენა, მარა ღორონთი თიცალი ძვირფასი მომავალს მოპირუნა, თე შესაძლებლობაშ ხეშე გოტება ნამდვილო ვაღირ. წეკითხით იგავეფიშ 29:25; გამოცხადებაშ 14:6, 7.