მუჭო რე ორგანიზებულ ქადაგებაშ საქმე?

ღურაშა ჭიჭე ხანით ადრე იესოქ ათეცალ სიტყვეფი თქუ: „თე სახიოლო ამბეს სამეფოშ გურშენ იქადაგენა მთელ მსოფლიოს არძა ხალხშო დასამოწმებელო დო თიმწკუმა მოურს აღსასრული“ (მათე 24:14). მარა მუჭო იკეთინედ თე საქმე თეშმადიდა მაშტაბით? თეს ხვალე თიმწკუმა შილებუანდეს ქრისტიანეფი, მუჟამს ქიგიაჸუნუდეს იესოშ ნაკვალა შარას დო ქიქადაგენდეს (ლუკა 8:1).

ჩქი ჸუდეშა ვაკითხანთ ხალხის. იესო მუშ მოწაფეეფს ოგურუანდ, სახიოლო ამბე კარდოკარ უქადაგებდესკო (მათე 10:11—13; საქმეები 5:42; 20:20). პირველ საუკუნეს მაქადაგებელეფს შხვადოშხვა ტერიტორიაშა უტენდეს ოქადაგებშა (მათე 10:5, 6; 2 კორინთელები 10:13). ამდღა ხოლო რე ორგანიზებულ ქადაგებაშ საქმე დო თითოულ კრებას მუშ ოქადაგებელ ტერიტორია უღუ. თენა საშუალებას მარზენა ვაკეთათ იესოშ დავალება: „უქადაგათ ხალხის დო გურგედვალირო დუვამოწმათ“ (საქმეები 10:42).

ჩქი ირნერო ვოცადუთ, იფქადაგათ ირდიხას. იესო თიცალ ადგილეფს ქადაგენდ, სოდეთ ხალხი იშაყარუდ. მაგალთო, თინა ქადაგენდ ზღვა პიჯის დო ინჭაწკუმა. ჩქი ხოლო ოკო მივაჸუნათ იესოშ მაგალითის (მარკოზი 4:1; იოანე 4:5—15). ჩქი სოდეთ შეფხვადუთინ, ირდიხას უქადაგუთ ხალხის: ქუჩეფს, დაწესებულებეფს დო პარკეფს; ტელეფონით ხოლო ფქადაგენთ. მუჟამს საშუალება მუმაჩამუნა, უქადაგუთ მეზობელეფს, ჩქინწკუმა მუშენან თინეფს, კლასელეფს დო ნათესეფს. ზუსტას თეცალ მსახურებაშ ჭყოლოფუათ ამდღა მთელ ქიანას მილიონეფქ მირჩქილუ სახიოლო ამბე (ფსალმუნი 96:2).

ხომ ვა გუგაშინ მითინქ, მიდგას გოკო ღორონთიშ სამეფოშ გურშენ სახიოლო ამბე ქეჩუე? დღას ქოიფიქრებნო მუშმადიდა მნიშვნელობა უღუ თე ამბეს თინეფშო? ხვალე სქან დუდშო ვეფიქრა დო მუთ შილებე მალას ქოუწი თე იმენდიშ გურშენ შხვას ხოლო!

• მუ რე „სახიოლო ამბე“, ნამუთ ოკო იფქადაგათ?

• მუჭო მეჸუნა იეჰოვაშ მოწმეეფი იესოშ მაგალითის ქადაგებაშ საქმეს?