Ame la trejin hna acile troa qatre thup, ke tha ka xötrei hmi kö. Nyipici laka, pëkö hna amekötine ka qaja ka hape, tro hi a acili qatre thup la itre trejin ka hekö hë bapataiso. Ngo loi e troa nue ijine matre tro la ketre trejin a macaj. Qëmekene troa acili eö, loi e troa mama ka hape, ka ipië eö tui Iesu, nge atreine eö itreqe hnyawa uti hë la Iehova a hamë eö la ketre hnëqa. (Mat. 20:23; Fil. 2:​5-8) Ketre, tro eö a amamane ka hape, ka mele nyipici eö, e tro eö a fedre koi Iehova, me kowe la itre trepene meköti Nyidrë, me trongëne la itre hna amekötin hnene la organizasio. Tusi Hmitrötr a qaja ka hape, loi e tro la atre thup a maca troa hamë ini. Kolo kö lai hape, tro eö a atreine cile fë cainöje hnyawa? Waea. Tha ka maca kö la itre xaa qatre thup troa cile fë cainöj. Ame pe, itre ka atreine tro fë hnyawa la maca ka loi, me ithuecatre kowe la itre trejin. w24.11 23-​24 par. 14-​15

E hetre mekun hna tha trotrohnin e hnine la tusi Hmitrötr, ke ithele jë. Lapa mekune jë ngöne la drai, la ini hnei epuni hna öhne göi Iehova me nekö i Nyidrë, memine la aqane hnimi epun hnei nyidro. (Sal. 119:​97, ith.)Maine pëkö mekune ka hnyipixe hnei epuni hna öhne la epuni a ini Tusi cas maine ithel, ke the cile pi kö. Ceitui epun me ketre atr ka tami ngöni, matre öhnyi gool. Ame la itre ka thele gool, ke itre ka catre ithel. Itre hawa me itre drai ne tro angatre lai a huliwa göne hi la ca neköi mutine gool. Ngo angatr a nue trengecatr, ke maine neköi mutine hi, ngo ka tru catre koi angatr. Nga the qaja pala ha koi së la itre ini hne së hna öhne qa hnine la Tusi Hmitrötr! (It. Ed. 8:10) Haawe, catre jë kö trongëne la porogaram ne e Tusi Hmitrötre i epun.​—Sal. 1:2. w25.01 25 par. 14-​15

Aja i Iehova tro sa nue la ngazo ne la itre atr ka akötrë së. (Sal. 86:5; Luka 17:4; Efe. 4:32) Ame itre xaa ijin, kola akötrë së hnene la hna kuca me qaja hnei ketre. Nge jole catr e ketre sinee, maine ketre atrene la fami së la ka akötrë së. (Sal. 55:​12-14) Ame e cili, tru catre la akötre së, kösë kola thinyi së hnei taua. (It. Ed. 12:18) Nemene la nyine tro sa kuca? Tro hi sa lapa tune la? E tro sa ujë tun, ke kösë easë hi lai a nue la taua ngöne la ka akötre së. Tha tro kö a patr la akötre së, e tro sa lapa fë. Ame la kola akötrë së hnei ketre, ke canga tro hi së lai a elëhni. Öni Tusi Hmitrötr, ijije fe tro sa elëhni. Ngo eje fe a hmekë së ka hape, tha tro kö a nue la elëhni troa musinë së. (Sal. 4:4; Efe. 4:26) Pine nemen? Pine laka, pëkö ewekë ka loi hna kuca la easa elëhni. (Iako. 1:20) Nyipici laka, ame la kola aca traqa la elëhni, ke thatreine kö së xomihnin, ngo qanyi easë pë hë iëne troa lapa fë trengehni maine nue la ngazo hna kuca. w25.02 15 par. 4-6