Kon Paonan-o Gagamiton Ini nga Bokleta

Hini nga bokleta, makikita mo an teksto para ha kada adlaw ngan an komento para hito. Bisan kon an teksto ngan komento mahimo basahon anoman nga oras, nakita han damu nga mapulsanon an pagbasa hito ha aga kay mahimo nira ito mapamalandong ha bug-os nga adlaw. Mapulsanon gud nga hisgotan an teksto han bug-os nga pamilya. Ginbubuhat ito han pamilya han Bethel ha bug-os nga kalibotan durante han pamahaw.

An reperensya ha kataposan han kada komento nagpapakita kon diin ginkuha an komento. Halimbawa, an reperensya nga “w24.04 2 ¶1, 3” nagpapakita kon diin ginkuha an teksto ngan komento, sugad han makikita ha ubos. An dugang nga impormasyon han topiko makikita ha gin-unabi nga artikulo.