Okh 4:10-15

Moise aahiwerya oxintta woova aarina awe okhaliheriwaka ni Yehova. Exeeni nniixutta ahu ni etthu Yehova aamuhimenrye awe Moise?

• Khahiyo vooloka omakela wuupuwelela itthu nihinwerya ahu opaka

• Niroromeleke wira Yehova onoonivaha itthu sotheene nimphavela ahu wira naakhwaniherye muteko nninvarela ahu

• Omwaamini Muluku murette muulupale onrowa onikhaliherya ohiwoova atthu

Wanipacerya, Moise uupuwela wira khaarowa owerya ovara muteko aarummwale awe ni Yehova. (Okh 4:10, 13) Eyo yootoko owiiraneelani? Niireke munnimusoma Biibiliya ni Anamoona a Yehova? Niireke munnuupuwela wira khamunrowa oweryaka olaleerya empa ni empa? Aahiiso munnoova muupuwelaka olaleerya oxikola. Woonasa wene munnoova olaleerya hata ni telefoni aahiiso mapuro oowaatta atthu? Akhala wira munoona siiso, munvekele Yehova munepa awe wootteela wira ookhaliheryeni. (1 Pe 4:11) Mukupaliki wira owo onoowerya wookhaliheryani wira nwerye opaka khula etthu enoovekelaaweni.—Okh 4:11, 12.