Xeeni nniihaniwa ahu Anamoona a Yehova?

Biibiliya onihimya wiira Yehova nsina na Muluku eekeekhai. (Okhuma 6:3; Esaalimu 83:18) Namoona, mutthu yoole onilaleya ekeekhai onikupali awe sa mutthu mukina.

Tivonto, nsina noowi Anamoona a Yehova, nimphavela ohimya ekurupu ya makristau eekeekhai anilaleya ikeekhai voohimya sa Yehova, yoowo ori mpattuxa a itthu sootheene. (Wiisuupulula 4:11) Ninnooniherya wiira na Anamoona a Yehova mwaha wa mweettelo ahu ni mwaha wa waalaleeryaka atthu akina ikeekhai sa mbiibiliyani. — Yesaya 43:10-12; 1 Pedru 2:12