Okhuma okathi wa mamwene, mpakha okathi aatthikeliwe awe otekiwa Yerusalemu

Itthu sinihimmwa mpantta ola siiraneyale iyaakha soowiiraka 600. Yoowiiraneya yoopacerya enimulavula Yonathani mwaana a mwene Sawuli. Nuumala-vo, ninrowa othokorerya yoowiiraneya ya Davidi, mwene oopacerya aari oororomeleya a wIsarayeli, mpakha okathi atthu a Muluku yaakhumme aya weepotthani oBabiloonia ni otthikela otekiwa Yerusalemu. Nave nnoolavula olipa murima wa atthu aniromoliwa mbiibiliyani, ntoko Abigayili, Natani, Eliya, Daniyeli, Esteri, Nehemiya ni atthu akina. Awo saahaaphwanya mixankiho sa moota woowaalamulela atthu yanvirikanya Yehova, moota woophuka myaha sa anamalamulela yaahiyale omukokhorela Muluku ni waakiherya ekeekhai, okathi nloko nle naathanliwe ni Yehova naahapuxiwe aya ni anamavirikanya ni atthu ootakhalala.