17 Akhala wiira nihaana oriheliwa munlittini na mooro, Muluku ahu onimurumeela ahu, onoowerya onoopola munlittini-mmo. Nave, onoowerya onoopola mmatatani mwanyu.+ 18 Masi nyuwo mwene, musuweleke wiira hata ohirowaka onoopola, khaninrowa waarumeela amuluku anyu, nnakhala okokhorela elatarato ya eweero mweemenxe anyu”.+

19 Siiso, Pedru ni Yohani yaahiwaakhula, yiiraka: “Mutthokelele oratteene mmansinyu, yaari etthu ya xariya vamaithoni va Muluku, owiiwelelani nyuwo, ohiya omwiiwelela Muluku. 20 Masi hiyo, khaninwerya ohiya olavula itthu noonale ahu ni niiwale ahu”.+