• Yesaya 53:1-12
    Biibiliya a Elapo Esya a Soolempwa Soowaarya

    • 53 Ti pani okupanli itthu aniiwale aya nilavulaka?*+

      Nave ti pani Yehova+ omusuwelinhe awe owerya* wawe?+

       2 Owo onookhumelela ntoko eritta ya niinaano+ ohoolo wawe,* ntoko mutathaari ori vatthayani yoowuuma.

      Khonikhala ntoko oottittimiheya nnakhala oovuwa;+

      Nave okathi nninweha ahu, makhalelo awe khannisivela.*

       3 Owo aanithanyiwa, nave atthu yaanimusyaka,+

      Aarowa woona owereya ni aamusuwela owereiwa.

      Aari ntoko mutthu, atthu ahiniphavela aya onweha.

      Owo aanithanyiwa, nave hiyo khinamoonela vatthu.+

       4 Mweekeekhai, owo ooteexa iretta sahu,+

      Ni ookuxa itthu sinnihaaxa.+

      Masi hiyo naamoona ntoko mutthu aahukhummwa,* aamaniwa ni Muluku ni aahaaxiwa.

       5 Masi owo oohommwa+ mwaha wa soottheka sahu;+

      Oonyakattiwa mwaha wa soovonya sahu.+

      Owo oohukhummwa wiira nikhalane murettele,+

      Nave mwaha wa makhwatta awe, hiyo noopenuxiwa.+

       6 Ootheene ahu neetta ntoko ipwittipwitthi sirimenle,+

      Khula mmosa a hiyo, eettela ephiro awe,

      Nave Yehova ohiiriha itampi sahu sootheene ommorela mutthu owo.+

       7 Owo aahihasuliwa+ ni khaakhoottale ohaaxiwa,+

      Masi khaalavunle nnakhala etthu emosa.

      Aahiroihiwa ntoko epwittipwitthi enirowa wiiviwa,+

      Owo aari ntoko epwittipwitthi yoothiyana enimaala okathi enimetthiwa aya,

      Nave khaalavunle nnakhala etthu emosa.+

       8 Owo aahiiviwa, okhala wiira aahiphukeliwa ehitthariwaka exariya.

      Nave ti pani onrowa ocala itthu kamosa-kamosa sa okumi awe?

      Owo aahikwasiwa eriyari ya atthu akumi.+

      Aahimaniwa mwaha wa itampi sa atthu aka.+

       9 Aahivithiwa vamosa ni atakhali.+

      Okathi aakhwiiye awe, aahivithiwa eriyari ya athaaciri,*+

      Nnaamwi ahaapanke etthu yootakhala,

      Nnakhala ahoothale.+

      10 Masi Yehova taaphavenle* wiira onyakattiwe, nave aahimuhiya oonaka owereya.

      Mwaphavela ovaha okumi awe, ntoko yoovaha mwaha wa okhalana mulattu,+

      Owo onooweha osuulu awe, onimuncererya mahiku awe.+

      Nave mwaha wa yoowo, enimwiiraneya etthu Yehova oniphavela awe.+

      11 Mwaha wa mixankiho sawe, owo onoohakalala ni etthu onrowa awe oweha.

      Mwaha wa osuwela wa naxariya, eyo piiyo, murumeyi aka,+

      Onoowiiriha atthu anceene okhala anaxariya,+

      Nave onookuxa itampi saya.+

      12 Tivonto, kinonvaha mpantta mmosa ni atthu anceene,

      Onookawana ni atthu oowerya, itthu saakhiwe okhottoni,

      Okhala wiira ooleva okumi awe mpakha okhwa.+

      Nave aahooniwa okhala natampi.+

      Owo ookuxa itampi sa atthu anceene,+

      Nave aahaavekelela anatampi.+

  • Daniyeli 9:26
    Biibiliya a Elapo Esya a Soolempwa Soowaarya

    • 26 “Savira isumana 62, Mesiya onimwiiviwa+ ohirina etthu.+

      “Nave epooma vamosa ni nipuro noowaarya+ sinoopwetexiwa ni anakhotto a mukhulupale onikela orwa. Emalelo aya enrowa okhalaka ntoko ekhumpwale ni maasi manceene. Mpakha wookiseryani waya sinrowa omakelaka owaniwa ikhotto. Muluku oolamula wiira onookhala ohaawa.+