• Amoosi 1:6-8
    Biibiliya a Elapo Esya a Soolempwa Soowaarya

    •  6 Etthu onihimya awe Yehova, tiila:

      ‘“Mwaha wa ikrime tthaaru sa oGaza,+ nave mwaha wa ikrime xexe, nkintthikela ottuli,

      Okhala wiira aakuxa ekurupu yootheene ya atthu yaavariwe,+ yaavahererya atthu a wEdomi.

       7 Miyo kinooroihela mooro ixiri sa oGaza,+

      Nto mooro owo onoopaha ipa saya soorakamela osulu soolipihiwa.

       8 Kinimwaapwetexa atthu anikhala wAxidodi,+

      Nave kinompwetexa ole onilamulela* wAxikeloni.+

      Kinimwaahukhumu atthu anikhala wEkironi,+

      Nave afilisti anrowa ohala, animwiiviwa”.+ Pwiya Muulupalexa Yehova tonihimya’.

  • Zakariya 9:5, 6
    Biibiliya a Elapo Esya a Soolempwa Soowaarya

    •  5 Atthu a wAxikeloni animoona eyo ni animoova.

      Atthu a oGaza anooriipiwa murima vanceene,

      Vamosa ni atthu a wEkironi, okhala wiira ole yaamulipelela aya ohuulihihiwa muru.

      Mwene a oGaza onimookhwa,

      Nave wAxikeloni khonrowa okhaliwaka.+

       6 Waxidodi onookhaliwa ni atthu a ilapo sikina,

      Nave miyo kinoomaliha wiixinnuwiha wa afilisti.+