49 “Yehova onooruuha nloko na ottaiwene,+ eyo piiyo, nloko ninkhuma wanikisa wa elapo, nenlo ninrowa orwa niinaano-ru ntoko murumaasi.+ Nloko nno nyuwo khamunsuwela nttaava naya,+ 50 nloko nootakhala, nenno nihinrowa omoonela othunku mutthu oowuuluvala nnakhala mutthu mwaamukhaani.+ 51 Awo animwaakhuura axaana a inama sanyu ni animoolya mihokorokho sa etthaya anyu, mpakha nyuwo omala-malihiwa. Khanrowa ohiya ipyo sanyu, eviinyu ya niinaano, makhura, ni ipooyi saamukhaani ni ipwittipwitthi mpakha woomala-malihani.+

15 “Nyuwo nloko na Isarayeli,+ kinnooruuhelani nloko ninkhuma ottaiwene”. Yehova tonihimya.

“Nloko nlo khahiyo ti na niinaano.

17 Awo anookhuura itthu muhemphe anyu ni eyoolya* anyu.+

Anoowiiva aniinyu axilopwana ni aniinyu axithiyana.

Animwiiva ipooyi sanyu ni ipwittipwitthi sanyu.

Anoohonona miri sanyu sa ewuuva ni sa efiiku.

Anoopwetexa ni espaata ipooma sanyu soolipihiwa seiyo munroromela anyu”.

22 Etthu onihimya awe Yehova, tiila:

23 Awo anrwa akunxe ene muura ni mavaka.

Awo tootakhala ni khanimoriwa ikharari.

Awo anrwa ntoko anakhotto yiilokihenrye owana ekhotto ni nyuwo, mwaana mwaamuthiyana a oSiyoni”.

22 “Tivo, nyuwo Oholiba, etthu onihimya awe Pwiya Muulupalexa Yehova, tiila: ‘Miyo kinoowiiriha axihawala anyu+ yaawo mwaahiya anyu mwaha wa waanyokha. Kinoowiiriha woorweelani, akhumaka ipantta sootheene,+ 23 anamwane a oBabiloonia,+ anamwane ootheene a oKhaldeya,+ alopwana a oPekodi,+ a oXowa, a oKowa, vamosa ni anamwane ootheene a wAsiiria. Ootheene aya amiravo oovara murima, makuvernatoro, makhulupale, anakhotto ni atthu oottittimihiwa,* ootheene aya anirwa awenle ene ikhavalo saya.