• 1 Mamwene 22:6
    Biibiliya a Elapo Esya a Soolempwa Soowaarya

    • 6 Vano mwene a Isarayeli aahaathukumanya maprofeta, alopwana oowiiraka 400 onaakoha wiira: “Kirooke katupheleke oRamothi-Xileyaadi wala nnaari?” Awo yaahimwaakhula wiira: “Muroweke, Yehova onimoovahereryani muttetthe owo mmatatani mwanyu”.

  • 1 Mamwene 22:8
    Biibiliya a Elapo Esya a Soolempwa Soowaarya

    • 8 Mwene a Isarayeli aahimuleela Yosafati wiira: “Nlelo ookhala mulopwana mmosa okhanle oonikohererya Yehova,+ masi miyo kinnimunyokha,+ okhala wiira khonikihimyana itthu sooloka, onikihimyana itthu sootakhala paahi.+ Owo Mikaya, mwaana a Imila”. Yosafati aahimuleela wiira: “Mwene ohihimyeke itthu ntoko iyo”.

  • Yeremiya 6:13, 14
    Biibiliya a Elapo Esya a Soolempwa Soowaarya

    • 13 “Okhuma acikhaani mpakha aalupale, ootheene aya anniphwanya mihakhu voohiroromeleya,+

      Okhuma maprofeta mpakha anamukuttho, ootheene aya anniiya.+

      14 Nave awo anneererya oloola makhwatta a atthu aka, ariki:

      ‘Wookhala murettele! Wookhala murettele!’

      Variki ohikhanle murettele.+

  • Ezekiyeli 13:2, 3
    Biibiliya a Elapo Esya a Soolempwa Soowaarya

    • 2 “Nyuwo mwaana a mutthu, mulaleye eprofesia mwaavirikanyaka maprofeta a wIsarayeli,+ nave mwaaleele ale anipakelela iprofesia saya,+ wiira: ‘Mwiiwe moolumo a Yehova. 3 Etthu onihimya awe Pwiya Muulupalexa Yehova, tiila: “Aatakhaliwa maprofeta alolo, yaawo anitthara muupuwelo aya, ahinatthi woona etthu!+