4 Masi Farawo khonrowa woowiriyanani. Miyo kinimooniherya owerya waka* kaaphukelaka vanceene+ atthu a wExiitu ni kinimwaakumiha atthu aka oowaatta,* eyo piiyo, aisarayeli, elapo ya wExiitu.

4 Miyo kinoomuhiya Farawo uumihaka murima awe.+ Farawo onimwaatthimakela aisarayeli, nto miyo kinoowiiriha atthu woona wiira ti miyo kirina owerya wuulupalexa onvikana Farawo ni anakhotto awe ootheene.+ Atthu a wExiitu anoosuwela tthiri wiira miyo ka Yehova”.+ Tivo, aisarayeli yaahiira siiso.

20 Masi vano, khoo Yehova Muluku ahu, munoopole mmatatani mwa Senakeribi, wiira mamwene ootheene a mulaponi, asuwele wiira nyuwo paahi, Yehova, ti mukhanle Muluku”.+

16 Nyuwo Kooki,+ munimoorwa waatuphela atthu aka aisarayeli, ntoko meeku anikhuneela elapo. Mahiku ookiserya kinimooruuhani wiira mutuphele elapo aka,+ wiira maloko akisuwele okathi kinrowa aka woorumeelani, kiphavelaka wooniherya wiira miyo ka Muluku oowaarya.

11 “Okhuma mpantta onikhuma nsuwa mpakha mpantta onikela nsuwa, nsina naka ninrowa okhala nuulupale eriyari ya maloko.+ Mapuro ootheene, sinrowa opahiwaka mikuttho ni ovahiwa itthu ni nsina naka, ntoko soovaha sooloka, okhala wiira nsina naka ninrowa okhala nuulupale eriyari ya maloko”,+ onihimya Yehova a anakhotto.