39 Okathi ole, mwene a oBabiloonia, Merodaki-Baladani, mwaana a Baladani, aahimulepela ikarta Ezekiya+ ni aahimuroihela yoovaha, okhala wiira aahiiwa wiira Ezekiya owo anwereiwa ni aahipenuwa.+ 2 Ezekiya aahiwaakhela saana atthu awo,* owooniherya mihakhu sootheene sa empa awe,+ eyo piiyo, eparatha, eweero, makhura a baalsamu, ni makhura makina ooreera. Nave-tho, aahiwooniherya mapuro ootheene yaapwehiwa ikaruma sa ekhotto ni itthu sootheene saaphwanyaneya opuro waasukiwa mihakhu sawe. Nto khiivo etthu Ezekiya ahaawoonihenrye awe vatthokoni vawe,* ni moomweneni mwawe mootheene.