• Yeremiya 50:44-46
    Biibiliya a Elapo Esya a Soolempwa Soowaarya

    • 44 “Mwiiwe! Mapuro oovareleleya anilyihiwa inama, onimoorwa mutthu onlikana ni kharamu, onikhuma etakhwa yooriipela, mukerekhere mwa muro Yordani. Masi moowaakuveya, kinoowoomolela ottaiwene wa elapo aya. Nto, miyo kinoomuthanlela ole othanliwe.+ Ti pani onlikana ni miyo? Ti pani onwerya owana ni miyo? Makampusi xeeni oniwerya weemela ohoolo waka?+ 45 Tivonto, nyuwo atthu, mwiiwe etthu Yehova olakenle awe owiiriha atthu anikhala oBabiloonia,+ naale anikhala elapo ya atthu a oKhaldeya.

      Tthiri makoto macikhaani a ipwittipwitthi anooroihiwa ottaiwene.

      Owo onimwiiriha mapuro aya anikhaliwa ohikhaliwa, mwaha wa yaawo.+

      46 Mwaha wa onyakula okathi Babiloonia onrowa awe okuxiwa, elapo enoothukumela,

      Nave onimwiiwanyeya wunliwa eriyari ya maloko”.+