41 Vamosa naawo aahikhala Hemani, Yedutuni,+ ni alopwana akina yaathanliwe masina aya wiira amuxukhureleke Yehova,+ okhala wiira “ophenta wawe woororomeleya onikhala mahiku ootheene”.+ 42 Nave-tho, vamosa naawo aahikhala Hemani+ ni Yedutuni arumihaka malope, isimbalo, ni ikaruma sa isipo saarumeeliwa wiira ottottopeliweke Muluku eekeekhai. Anamwane a Yedutuni+ ti yaaweherya vamukhora.

3 Anamwane a Yedutuni+ aahikhala Gedaliya, Seri, Yexaya, Ximeyi, Haxabiya ni Matithiya,+ waatakaaha ootheene yaari 6. Awo yaalakiheriwa ni paapa aya Yedutuni, yoowo aalavula eprofesia omoopaka viola,* omuxukhurelaka ni omuttottopelaka Yehova.+