Olamulelo awe ori ni Isarayeli,

Nave Muluku onnooniherya owerya wawe ori ene wiirimu.*

 7 Mahimo, anvahe Yehova ele eniphwanela awe,

Anvahe Yehova ele eniphwanela awe, mwaha wa ovuwa wawe ni ikuru sawe.+

 8 Anvahe Yehova ovuwa oniphwanela nsina nawe;+

Amuruuhele yoovaha emosa vate vawe.

 9 Akokhore ohoolo wa Yehova, awanre ene ikuwo sooreerexa;*

Nyuwo atthu ootheene a mulaponi, muttettemeleke ohoolo wawe.

11 Erimu etteeliweke murima, nave elapo ehakalaleke;

Ephareya ni itthu sootheene siri memmo, sikukutteyeke;+

12 Imatta ni itthu sootheene siri memmo, sitteeliweke murima.+

Nave okathi omosa-ru, miri sootheene sa mutakhwani sikhuweleke ni otteeliwa murima ohoolo wa Muluku,+

13 Okhala wiira Yehova onnoorwa,*

Onnoorwa ophukela elapo.

Owo onimwaaphukela atthu anikhala mulaponi ottharaka exariya,+

Nave onimwaaphukela atthu voororomeleya.+