18 Nuumala-vo, nlaikha na Yehova naahimuleela Gadi+ wiira amuhimeerye Davidi wiira ovenye ni amutekele altaari Yehova opuro oneepetthiwa etiriku wa Ornani, muyebusi.+ 19 Siiso, Davidi aahiiwelela moolumo a Yehova, aalavunle awe omurumeelaka profeta Gadi. 20 Okathi ene yoowo, Ornani aahirukunuwa ni aahiweha nlaikha, owo vamosa ni anaawe axexe aarina awe, yaahiipithasa. Ornani iira eepetthaka etiriku. 21 Okathi Davidi aamwaattamenle awe, Ornani aahinweha, moowaakuveya aahikhuma opuro oneepetthiwa etiriku, okokhora ohoolo wa Davidi, uurama mpakha vathi. 22 Davidi aahimuleela Ornani wiira: “Mukitumiherye* opuro ola oneepetthiwa etiriku wiira kimutekele altaari Yehova. Mukitumiherye eperesu eniphwanela aya. Siiso, enoomala-mala ehasara ela enaakhumelela atthu”.+ 23 Masi Ornani aahimuhimeerya Davidi wiira: “Muhalaneke, pwiya aka mwene, mwiiriheke ele munoona anyu oreerela. Sookhala ipooyi iya kinoovahaakani wiira nvahe ntoko soovaha para opahiwa,+ ni ithaapwa iya wiira murumeele ntoko ikhuni ni etiriku para yoovaha ya ipyo. Kinimoovahani sootheene iya”.

3 Vano Salomooni aahipacerya oteka empa ya Yehova+ oYerusalemu, omwaako Moriya,+ weiwo Yehova aamukhumelenle awe paapa awe, Davidi,+ opuro yoowo Davidi aalokihenrye awe wiira oteke etemplo, opuro oneepetthiwa etiriku wa Ornani,+ muyebusi.