24 Yooxuuwa ni aisarayeli ootheene aarina awe, yaahimukuxa Akaani+ mwaana a Zerahi, vamosa ni eparatha, ni nlaya nooreerexa, ni epaara ya eweero,+ hoothe ni anaawe axilopwana, anaawe axithiyana, ipooyi sawe, apuuru awe, ipwittipwitthi sawe, ipuri sawe, etenta awe, ni itthu sootheene aarina awe. Nuumala-vo, yaahimuroiha oxepani wa wAkori.+

26 Vamirutthuni vaya, yaahuukela maluku manceene yaawo anikhala mpakha olelo-va. Siiso, onanariwa wa Yehova waahivukuwa.+ Ti maana aya opuro ole oniihaniwa aya nxepa na wAkori* mpakha olelo-va.

29 Yooxuuwa aahimwiiva ni aahimuthomeya vamwirini mwene a epooma ya Ayi mpakha makaaripi. Nto nsuwa nihalaka osama, Yooxuuwa aahiruma okuruxiwa murutthu wa mwene owo vamwirini.+ Nuumala-vo, murutthu owo waahiriheliwa vamukhora wa epooma, ni yaahuukeliwa maluku manceene vasulu vaya. Maluku awo annikhala opuro yoowo, mpakha olelo-va.

23 Siiso, awo yaahimuruuhela Yooxuuwa mamwene mathanu yaari munikhukuni: mwene a oYerusalemu, mwene a oHebroni, mwene a oYarimuthi, mwene a oLakixi, ni mwene a wEgloni.+

27 Nuumala nsuwa okela, Yooxuuwa aahiruma okuruxiwa vamwirini mirutthu sa mamwene awo,+ ni aahiruma oriheliwa munikhukuni yaipinthe aya. Vano yaahipirikixeliwa maluku maalupale vamukhora va nikhuku nlo, yaawo anikhala mpakha olelo-va.