• 1 Samuweli 18:6-8
    Biibiliya a Elapo Esya a Soolempwa Soowaarya

    • 6 Okathi Davidi ni anakhotto yaahokolowa aya, nuumala waaxintta afilisti, athiyana a ipooma sootheene sa wIsarayeli, yaanirwa okumana ni mwene Sawuli, atteeliwe ene murima vanceene, yiipaka+ ni yiinaka akunxe ene malapa macikhaani+ ni atthakare. 7 Athiyana awo yaanitthapa ni yaaniipa ariki:

      “Sawuli owiivale atthu ikonto sene,

      Masi Davidi owiivale atthu ikonto miloko sene”.+

      8 Sawuli aahinanariwa vanceene,+ nave nsipo nne khinaamusivenle, maana aahihimya wiira: “Awo anihimya wiira Davidi owiivale ikonto muloko, masi miyo kiwiivale ekonto emosa. Etthu emosa paahi enimuhaleela Davidi, ovahiwa omwene!”+

  • 1 Samuweli 29:4, 5
    Biibiliya a Elapo Esya a Soolempwa Soowaarya

    • 4 Vano makhulupale a afilisti yaahitikinihiwa ni Akixi, amuhimeerya wiira: “Mmuttikihe.+ Mmurume wiira otthikele opuro munvanhe anyu. Muhimuhiye orowaka okhottoni ni hiyo, wiira ohinirukunuwele okathi wa ekhotto.+ Woonasa wene, wiira omusivelihe Sawuli owo onoowiiva anakhotto ahu. 5 Ola khahiyo Davidi, yoowo athiyana yaamwiipela aya ni omwiinela, ariki:

      ‘Sawuli owiivale atthu ikonto sene,

      Masi Davidi owiivale atthu ikonto miloko sene’?”+