32 Davidi aahimuhimeerya Sawuli wiira: “Muhikhulumuwe mwaha wa nfilisti ole. Murumeyi anyu ola onoorowa owanana”.+

36 Murumeyi anyu ola, aahimwiiva kharamu ni mwaamunama oniihaniwa ursu. Nave onoomwiiriha etthu emosa-ru nfilisti ole oohinnuwihiwa, okhala wiira onnaaveeha anakhotto a Muluku mukumi”.+

45 Davidi aahimwaakhula nfilisti ole oriki: “Nyuwo munikirweela mukunxe ene espaata ni mavaka manli,+ masi miyo kinoorweelani ni nsina na Yehova a anakhotto,+ Muluku a anakhotto a Isarayeli, yoowo munveehale anyu.+ 46 Olelo vaava, Yehova onrowa okivahererya nyuwo mmatatani mwaka,+ nto nyuwo kinoowiivani ni kinimoothikilani muru. Nave olelo vaava kinimwaavahererya mirutthu sa anakhotto afilisti axipalame a musulu ni inama sa mutakhwani sinikhala valaponi. Vano atthu ootheene anikhala mulaponi, anoosuwela wiira ookhala Muluku wIsarayeli.+