9 Okathi aisarayeli yanvekenle aya Yehova wiira aakhaliherye,+ Yehova aahimukumiherya moopoli wiira owoopole aisarayeli.+ Moopoli owo, aari Otiniyeli,+ mwaana a Kenazi, muhima awe Kalebi. 10 Ikuru sa Yehova saari ni Otiniyeli,+ nto Otiniyeli owo, aahikhala mukhulupale a Isarayeli. Okathi Otiniyeli aaronwe awe okhottoni, Yehova aahinvahererya mmatatani mwawe Kuxani-Rixatayimi, mwene a oMesopotaamia.* Nto owo aahimuxintta Kuxani-Rixatayimi.

29 Ikuru sa Yehova saahimukela Yefte,+ nto Yefte owo aaheetteetta oXileyaadi wootheene, ni elapo ya Manase, nuumala-vo aahirowa oMisipa wa oXileyaadi.+ Nto aahikhuma oMisipa wa oXileyaadi onaarowela atthu a wAmoni.

24 Muhoolo mwaya, muthiyana owo aahimuyara mwaana mwaamulopwana, ni aahinvaha nsina na Sansoni.+ Nto mwaana owo aaninnuwa nave Yehova aanimureeliha. 25 Nuuvira okathi, ikuru sa Yehova saahipacerya omweettiha Sansoni+ oMahane-Dani,+ eriyari ya oSoreya ni wExitawoli.+

6 Vano ikuru sa Yehova saahinvaha owerya Sansoni.+ Nto owo aahimukawanya kharamu owo ipantta piili, siisaale mutthu onikawanya awe epuri ipantta piili ni matata awe. Masi khaamulenle paapa awe nnakhala maama awe etthu aapanke awe.

14 Nuumala Sansoni opixiwa oLehi, afilisti yaahikhuwela yoopaka elulu okathi yanwenhe aya. Vano, ikuru sa Yehova saahinvaha owerya Sansoni,+ nto mikhoyi saatthukwaniwe awe mmoononi saahikhala ntoko maliinya a eliinyu ooreviwa. Nuumala-vo, mikhoyi iyo saahimora mmoononi mwawe.+

6 Nlaikha nlo naahikileela wiira: “Moolumo Yehova onimuleela awe Zorobabeli, taala: ‘“Itthu iya khasinrowa wiiraneya mwaha wa otupa wa anakhotto, nnakhala mwaha wa owerya wa apinaatamu,+ masi sinimwiiraneya mwaha wa owerya wa ikuru saka”.+ Yehova a anakhotto tonihimya.