7 Yehova aahimukhumelela Abramu, onamuleela wiira: “Kinrowa ovaha elapo ela+ osuulu anyu”.+ Tivo, Abramu aahimutekela altaari Yehova, yoowo aamukhumelenle.

14 Nuumala Lothi ovalaana ni Abramu, Yehova aahimuleela Abramu owo wiira: “Xontte mweemexe muru anyu opuro owo muri anyu, nwehe onorti ni osuuli, onikhuma nsuwa ni onikela nsuwa. 15 Kinimoovahani nyuwo vamosa ni osuulu anyu, elapo yootheene muniweha anyu wiira ekhale yawinyu mahiku ootheene.+

17 Okathi Abramu aarina awe iyaakha 99, Yehova aahimukhumelela Abramu onamuleela wiira: “Miyo ka Muluku Oowerya Sootheene. Muroromeleyeke ohoolo waka* ni mooniherye ohikhalana nthowa.

7 “Kinoomaliherya nivarihano kipanke aka ni nyuwo,+ vamosa ni osuulu anyu ni maloko anrowa okhumelela. Nivarihano nno, khininrowa omala. Miyo kinrowa okhala Muluku anyu ni Muluku a osuulu anyu.