22 “‘Muhaana wiiwelela malamulo aka ni weemererya+ maphukelo aka.+ Mwiira siiso, nyuwo khamunrowa woomoliwa+ elapo kinooroihaakani wiira mwakhaleke.

4 “Nyuwo atthu a Isarayeli, nwiriyane malamulo kinoovahaakani ni mweemererye maphukelo kiniwiixuttihaakani wiira mweetteleke. Mwiira siiso, munookhala akumi,+ ni munookela elapo Yehova Muluku a amuhavinre anyu, onoovahaaweni wiira ekhale yawinyu.

40 Muhaana wiiwelela sooruma sawe ni malamulo awe, yaawo kinoovahaakani olelo-va. Mwiira siiso, itthu sinooweettelani saana, ni sinooweettela saana aniinyu. Siiso, munookhala okathi munceene elapo Yehova Muluku anyu onoovahaaweni”.+